Жиззахда «кўчинский»ларга қарши «маски-шоу» ўтказилди

Жиззах вилоятида ҳам «Долзарб – 40 кунлик» махсус профилактик тадбирлари доирасида жиноий гуруҳларга аъзо бўлган, ижтимоий муҳитга салбий таъсирини ўтказишга уринаётган шахсларни қўлга олиш ва уларнинг жиноят содир этишининг олдини олиш мақсадида бир қатор тезкор тадбирлар ўтказилмоқда. 

Хусусан, махсус хизмат ва ҳуқуқ-тартибот идоралари томонидан ўтказилган рейдлар давомида ижтимоий муҳитга салбий таъсирини ўтказишга уринаётган шахсларга нисбатан жиноят иши қўзғатилиб, жиноят иши доирасида 3 нафар шахслар қўлга олиниб, 12 нафар шахсларга жиноят ишлари бўйича Жиззах шаҳар суди томонидан 15 сутка маъмурий қамоқ жазоси тайинланди.

Шунингдек, жиноят содир этиб, тергов ва суд органларидан яширинган 17 нафар шахслар ушланди.
Худди шундай, вилоят ҳудудида тезкор вазиятга салбий таъсир кўрсатувчи, жиноят содир этишга мойил 20 нафар шахсларнинг яшаш манзилларида махсус профилактик тадбирлар ўтказилди. Натижада ноқонуний буюм ва ашёларни сақлаб келган 10 нафар шахслар аниқланди.

Қиссадан ҳисса шуки, давлат қилич билан бу Робин Гудларни йўқ қилиши мумкин. Аммо фақат қилични устида узоқ ўтириб бўлмайди. ИИВ ва суд тизими мазлумни ҳимоя қилсагина кўча ўз ўзидан йўқолади. Элтуз эса воқеалар ривожини ёритишда давом этади. Каналимизга обуна бўлинг, видеоларимизга лайк босинг.