Асосий мавзулар
1 феврал 2024

Ўзбекистон Россияга порох хомашёси сотмоқда

Украинадаги болаларни ўлдираётган ўрис порохини Ўзбекистон таъминламоқда, бу Ўзбекистонни уруш жиноятчиси сифатида санкциялар ботқоғига абадий чўктириши мумкин.

Порох ишлаб чиқариш учун ўрисга пахта целюлозаси зарур. Буни санкцияларга зид тарзда Россияга Ўзбекистон сотмоқда. Шу тариқа Ўзбекистон Россиянинг босқинчилик урушига шерик бўлмоқда.

Гўдакларни ўлдираëтган ўрис болтасига соп бўлишдан манқурт мулозимлар уялаëтгани ҳам йўқ.

Украина мустақиллигини йўқ қилиш ва украин гўдакларини ўлдириш учун ўрис аскарига қурол ишлаб чиқарадиган Россия заводлари порох ва снаряд учун Ўзбекистондан хом ашë олмоқда.

2020 йили Ўзбекистон Давлат мудофаа саноати қўмитаси Қозондаги порох заводи билан шартнома тузган. Бу шартнома асосида Ўзбекистон Россияга порохнинг асосий компоненти бўлган пахта целлюлозасини етказиб бермоқда.

Халқаро санкция остидаги Россия ҳарбий заводлари порох ишлаб чиқариш учун Ўзбекистондан олган пахта целлюлозасидан нитроцеллюлоза олишади. Бу модда порох асосини ташкил қилади.

Иккинчидан ўзбек целлюлозаси Украина шаҳарларини бомбалаëтган танк зарядлари учун ҳам ишлатилмоқда.

Ўзбекистон тарафи риоя қилиши керак бўлган келишувга кўра, целлюлоза Европа Иттифоқи санкциялари рўйхатига киритилган.

Ўзбекистоннинг бу тақиқни айланиб ўтиб, Россия ҳарбий заводларига тақиқланган товар етказиб бериши халқаро жиноятдир.

Қозон порох заводи раҳбари «Ўзбекистон порох ясаш учун хомашë етказиб бераëтган асосий поставщик» дея матбуотга фахр билан билдирди.

Ўзбекистон томони эса жим.

Умуман Ўзбекистон депутатлари ўрис пропагандонларини қарғаб саннаш ўрнига, урушни хом ашë билан таъминлаëтган ўзбек пахта жаллоблари танобини тортса бўлар эди.

Айнан Ўзбекистон ўрис милтиқлари, кичик калибрли артиллерия, танк ва авиацион замбараклар, ракета зарядлари, ҳамда денгиз артиллерияси учун қурол яратишда жиноий шериклик қилмоқда.

Ҳали уруш бошланмаган 2019 йили Ўзбекистон Россия харбий заводлари учун 48 тонна целлюлоза отган бўлса, бу рақам Украинага қарши босқинчилик урушидан кейин 1225 тоннага етди ва 2019 йилга нисбатан 25 марта кўпайди.

Фарғонадаги битта заводнинг ўзи 2023 йили Пермдаги порох заводига 79 тонна хом ашë жўнатган.

Бундан ташқари Россиянинг Алексин шаҳридаги кимë заводи ҳам уруш қуроли ясаш учун Ўзбекистондан хом ашë олган.

Украинага мусибат келтираëтган Тамбов порох заводи ҳам санкцияларни айланиб ўтаëтан Ўзбекистондан пахта олмоқда.

Россия урушини қўллаб қувватлаб, санкцияларни айланиб ўтиб, порох заводларига хом ашë етказиб бераëтган ўзбек ширкатлари ортида Ўзбекистон давлати турибди.

Масалан Фарғона кимë заводи муассиси Ўзбекистон миллий банкидир. Банк заводнинг юз фоиз эгаси.

Урушга хамиртуруш бўлаëтган Фарғона заводи раҳбари эса Россия гражданлари Рустам Мўминов ва Михаил Глуховдир. Яна бир раҳбарнинг исми Виктория Рустамовна Мўминова… Ҳар холда ўша манқуртнинг валади бўлса керак.

«Ўрис бизни босиб олмоқчи» дея қарғаб саннаëтган фуқаро ва депутатлар ўз давлатининг нейтрал деган мақом рамкасидан чиқиб уруш жиноятчисига айланганини билмайди ҳам. Агар Ўзбекистон Россияни порох хомашёси билан таъминламаганида эхтимол, Россия омборларидаги ўқ дорилар ҳам,  бу даҳшатли уруш ҳам аллақачон тугаган бўлар эди. Ўзакдан чиққан ўт ëмон, ўзингдан чиққан душман ëмон деган қирғиз мақоли бор.

Тағин ўқинг
26 август 2016
Ўз томорқасида мева сабзавот етиштирган деҳқонларнинг ҳосилини эркин сотишига рухсат берилмаётгани, уларга милиция ва кучишлатар идоралари орқали босимлар кўрсатилаётгани ...
27 феврал 2022
Эътиборингизга 26 февралга қадар олинган Россия-Украина урушига оид Элтуз тайёрлаган хроникани тақдим қиламиз.
14 декабр 2020
Тошкентдаги COVID-19га чалинганлар учун махсус қурилган Зангиота-2 шифохонасидаги касаллар ярмига қисқаргани айтилмоқда. «Беморлар камайгани» сабабидан шифохона ходимларининг ойлиги камайтирилган. ...
25 июн 2019
“Ҳамиднинг кўзларига ёш қалқди. Бошини чайқаб: “Чиқармиканмиз? Ишониш қийин, ака”, деди ва оғир хўрсиниб, баланд овозда: – Эҳ, Гуантанамо, ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...