Асосий мавзулар
5 феврал 2024

Департамент нозири жазодан қочмоқчими?

Бу автоавария ўтган ҳафта, 31 январь ошқомида Қарши шаҳридаги “Шабада” ресторани ўнгида юз берган. Енгил автомобиль қаттиқ тезликда бориб юк машинаси орқасига уради. 

Бизнинг сизга айтиб бермоқчи бўлганимиз ҳикоя айнан шу ердан бошланади. Автоавария оқибатида икки кишининг қовурғаси синади ва юзлари йиртилади.

Рулдаги шахсга эса ҳеч нарса қилмайди. 

Жароҳат олганлардан бири Департаментнинг Қашқадарё вилоят бошқармаси шахсий хавфсизлик бўйича инспектори Элёр Исабеков эди. 

Ўзбекистондаги барча ҳуқуқни муҳофаза қилиш органларида шахсий хавфсизлик бўйича инпекция ташкил қилинган.

Уларнинг асосий вазифаси шахсий таркиб томонидан ножўя хатти-ҳаракатлар содир этилишини олдини олиш ҳисобланади.

Департаментнинг Қашқадарё вилоят бошқармасида бу лавозимда юқорида кўрганингиз автоаварияда жароҳат олган Элёр Исабеков 2021 йилдан буён ишлайди. 

Элтуз манбаларининг айтишича, унинг даврида ходимлар томонидан бир неча марта спиртли ичимлик ичиб, йул транспорт ходисаси содир этганлар бўлди.

Ушбу ходимларга чора кўрилсада, унинг ўзига чора кўрилмади. 

Бироқ,  Элёр Исабековнинг ишдан кейин кечки пайт ўзининг ишдаги шериклари билан доимий равишда спиртли ичимлик ичиб, айш-ишрат қилиб келишини Департаментдагилар яхши билишади. 

Ўтган чоршанба оқшомида  ҳам Элёр Эсабеков эски улфатлари билан Қарши шаҳридаги «Озод гўшт» чойхонасига бориб, майишат қилишади ва маст ҳолда машинага ўтиришади. 

Ва кўп ўтмай автоҳалокатга учрашади… 

Элёр Исабеков ва у ишлайдиган бошқарма бу ҳодисани яширишга уринишмоқда. 

Хусусан,  автоавария содир қилган ходим эмас, балки  унинг яқинлари номига ҳужжат расмийлаштирилган.  

Шунингдек, Элёр Исабеков прокуратура терговчисининг қонидан намуна топириши хақида кўрсатмасини бажармасдан, воқеа жойидан қочиб кетган. 

Шошилинч тез тиббий ёрдами хизматида жароҳат олганларга биринчи ёрдам кўрсатилган. 

Бироқ қайд варақасида бошқалар исми ва фамилияси қайд этилган. 

Орадан бир кун ўтиб, жароҳат олганлар шошилинч тез тиббий ёрдам  биносидан қочиб чиқиб, бошқа хусусий клиникага ётиб олишган. 

Ҳозирда уларнинг жойи фақат шерикларига маълум

Ҳозир Элёр Исабеков раҳбарият ёрдамида орқа сана билан таътил расмийлаштириб, вилоятдан чиқиб кетган ва яшириниб даволанмоқда. 

Прокуратура томонидан ҳам текшириш ўз ҳолига ташлаб қўйилганлиги сабабли далиллар йўқ қилинмоқда. 

Далилларни йўқотишда департамент ходими Сарвар Тураев ва кадр ходими Отабек Шомуротовлар жонбозлик кўрсатишмоқда, дейди Элтузнинг ҳодисадан огоҳ манбаси. 

Улар республика раҳбариятига ҳам автоавария ҳақида умуман бошқача ахборот берганлар.  

Хуллас, бошқаларга қўлланилган қонун Департаментнинг шахсий хавфсизлик инспектори Элёр Исабековга келганда ишламай қолади.

Чунки қонун уни татбиқ этувчиларга эмас, унга риоя этиши шарт бўлганларга ишлайди.

Тағин ўқинг
21 сентябр 2023
Қорақалпоғистон Республикаси Тўрткўл тумани ИИБ ходимлари маҳаллий аҳоли орасида “Боққи Тарзан” лақаби билан танилган лотереячи-стример Бахтиёрни 19 сентябрь куни ...
21 март 2019
Россиянинг Ёқутистон республикасида 36 яшар аёлнинг зўрлангани иддаолари ортидан марказий осиёлик мигрантларга, жумладан ўзбекларга қарши митинглар, таҳдидлар, тўқнашувлар авж ...
19 март 2023
1989 йилнинг 19 мартида Тошкент марказидаги Ленин (ҳозирги Мустақиллик) майдонида норозилик митинги бўлиб ўтди. Митингни “Бирлик” халқ ҳаракати ташкил ...
2 март 2016
Меҳнаткашлар ҳуқуқи Халқаро Форуми (ILRF) 2016 йил Меҳнаткашлар ҳуқуқи ҳимоячиларини мукофотлар билан тақдирлаши ҳақида эълон қилди, улар орасида ўзбек ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...