Асосий мавзулар
19 феврал 2024

Индорама шикоятчиларининг оғзини ёпмоқда

Қашқадарё ва Сирдарë вилоятларида Индорама Агро хорижий компаниясига 70 миллион доллар кредит ажратган Европа таррақиёт банки устидан компания ишчилари шикоят қилгани ҳақида Элтуз аввалроқ хабар берган эди.

Индорама Агро ўзини Ўзбекистондаги энг йирик пахта фермер хўжалиги деб айтаётган хорижий ширкат. Ўтган йили сентябрь ойида юборилган шикоятда ишчилар Индорама ширкати меҳнат ҳуқуқларини бузганликда, фермерларга пахта учун кам тўлагани ва бу тўловни ҳам кечиктириб тўлаганликда айблаган.

Шу кунларда, Европа таррақиёт банкининг махсус бўлими бу шикоятни кўриб чиқаётганида Элтуз Индорама ходимлари босим ва таҳдидларга дучор бўлаётганидан хабар топди. Фермер ва ишчилардан журналистларга ёзмасликлари, шикоятларини қилмасликлари, яъни вазиятга кўникиб чидашлари талаб қилинди.

Ўз фуқароларига ўз ҳуқуқларини тиклашга ёрдам бериш ўрнига, жохил ДХХ ходимлари, афтидан, уларнинг вазифаси хорижий компанияларни ҳимоя қилиш деб ишонишади.

Эндиликда ишчилар ва фермерлар Индорама ва ҳукумат амалдорлари томонидан уларга қарши ўч олгани учун очиқ гапиришдан қўрқишади. Шу тариқа Индорама ишчилари ўз юртида ўз муаммолари ҳақида ташқи дунёга хабар беришга қўрқадилар ва қўрқитилмоқда.

Воқеа тарихи

2018 йили Ўзбекистон ҳукумати Индорама Агро компаниясига Сирдарё ва Қашқадарёда 50 минг гектар ер ажратди.

Бу ер фермер ва деҳқонлардан тортиб олинган. Томорқасидан, демак, рўзғоридан айрилган деҳқонлар иш билан таъминланиши, деб ваъда қилинган, бироқ ваъдалар бажарилмаган. Кўпчилик рўзғор тебратиш воситаси бўлган ерсиз қолдирилган.

Мана масалан, Нишон туманидан Алишер Гулматов яқинда Индорамага бериб юборилган ерда мол боққани учун 5 миллион сўм жарима тўлашга мажбур бўлди.

Хаммаси ишсиз, бекорчи. Бир неча йил олдин Алишер муваффақиятли фермер эди, лекин ҳозир у ерсиз қандай яшашни билмайди.

Бундай мисоллар жуда кўп.  Бу ҳолатда Элтуз, мутлақо ишчилар тарафида бўлгани учун Индорама ишчилари ва фермерларидан у ерда нималар бўлаётганини кўпроқ билишни хоҳлайди.

Сиз биз билан баҳам кўрган Индорама Агро томонидан ҳақ ҳуқуқларингиз бузилишига оид маълумотларни ушбу каналда эълон қиламиз ва сизни бу компания ва ҳукумат амалдорлари томонидан кейинги босимлардан ҳимоя қилиш учун шахсингиз ошкор қилинмаслигига кафолат берамиз. Индорама ўзини жазоланмайдиган имтиëз соҳиби каби тутмоқда ва бу компанияга миллионлаб маблағ ажратаётган Европа Тарраққиёт Банки бунга эътибор қаратиши керак.

Келинг, улар ҳақиқатан ҳам нима бўлаётганини эшитишларига, Индорама ва Европа Тараққиёт ва Тикланиш Банкини жавобгарликка тортишларига ишонч ҳосил қилайлик!

Қашқадарё ва Сирдарёдаги (Нишон, Касби, Сардоба ва Оқолтин) туманларидаги дўстларингиз ва ҳамкасбларингиз билан боғланишни ва ушбу хабарни баҳам кўришни унутманг. Ҳақ олинур ва лекин берилмас! Ўз ерингиз ва ҳуқуқингизни ҳимоя қилинг!

Тағин ўқинг
11 феврал 2021
Қуръони каримда 25 пайғамбарнинг исми зикр этилади. Ҳадисларда эса ер юзига жами 124 минг пайғамбар юборилгани ҳақда билдирилади. Улардан ...
25 январ 2019
Тожикистон расмийлари 2018 йилнинг бошида қабул қилинган қарор асосида ТВ орқали нафақат секс, балки ўпишиш ва қучоқлашиш саҳналарини ҳам ...
22 май 2020
Рамазоннинг бешинчи жумасида сиз билан гурунглашиш насиб этганидан ичимга сиғмай севиниб ўтирибман. Бормисиз, оғам, иним, синглим, опам, онам. Сиз ...
4 феврал 2019
Тошкент шаҳри ҳокими Жаҳонгир Ортиқхўжаев ўтган ҳафта матбуот анжуманида Tashkent City қурилишига ўзининг ширкати инвесторлик қилаётанини тасдиқлади. «Бу менинг ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...