Асосий мавзулар
28 июн 2016

Президент табригидан тўлқинланиш ҳафталиги

27 июн – Ўзбекистонда Матбуот ва оммавий ахборот воситалари ходимлари куни муносабати билан давлат раҳбари йўллаган табрик мамлакат журналистлари учун тўлқинланиш ва масъулият ҳиссини туйиш ҳафталигини бошлаб берди, десак муболаға бўлмайди.

Чунки одатда бундай табрик эълон қилингандан сўнг маҳаллий журналистлар ундай келиб чиқадиган вазифаларни белгилаш, «билдирилган юксак ишончни оқлаш» каби кайфиятларга берилади. Бу ҳолат эса кўпинча бир ҳафтача давом этади. Кейин ҳаёт изига тушиб, журналистлар юқоридан ўргатилган қўшиқларни куйлашда давом этади.

«Халқ сўзи» газетаси ҳам президент табригидан «кўтаринки кайфият, юксак ишонч» туйган қорақалпоғистонлик журналистларнинг дил сўзларини чоп этди.

«Президентимиз ўз табригида миллий матбуотимиз вакилларининг мамлакатимиз ва дунё миқёсида бўлаётган янгиликларни тезкорлик билан етказиш борасидаги фаолиятини юқори баҳолади», дейди журналист.

Агар бу тезкор вакил саммитни ёритишда мамлакатнинг бош ахборот манбаи – ЎзА бўлса, ундан кўчирилган мақолаларни чоп этган марказий нашрлар бўлса, бундай тезкорликнинг нархи сариқ чақа ҳам эмас-ку, дейдиган мард йўқ.

«Юртбошимиз табригидаги: «…сизларнинг эзгу орзу-интилиш ва ташаббусларингизни доимо қўллаб-қувватлашга тайёр эканимни, сизларни ўзимнинг энг яқин ёрдамчим ва маслакдошларим деб билишимни такроран айтмоқчиман», деган сўзлари бизни янада тўлқинлантириб юборди», деб ёзади қорақалпоқлик журналист.

Эшагига яраша тушови, деб шуни айтади-да доно халқимиз.

Байрам баҳона «Йилнинг энг яхши журналисти» танлови ғолиблари ҳам эълон қилинди. «Ҳуррият» газетаси уларнинг айримларидан миннатдорликка йўғрилган фикрлар олишга ҳам улгурди.

«Медиамаконда маънавиятга зид, қайсидир ёвуз кучларнинг тор манфаатларига хизмат қиладиган ахборотлар кам дейсизми? Уларга қарши дадил ва ўткир публицистик чиқишлар қила олиш… миллий ахборот маконимиздаги фидоий ходимларнинг энг муҳим вазифаларидандир», дейди танлов совриндорларидан бири.

Ўзбекистон матбуоти халқ манфаатини кўзлаб дадил ва ўткир публицистик чиқиш қилмаганига кўп йиллар бўлди. Балки президент табригидан тўлқинланган маҳаллий журналистлар энди бу нуқсонга ҳам эътибор қаратар!?

Eltuz.com

Тағин ўқинг
22 октябр 2015
Сиз кўриб турган суратдаги виқор билан харбийлар ёнида турган киши – Жиззахлик фермерлар ва хуқуқ химоячилари томонидан «Қутурган хоким» ...
20 ноябр 2017
18 ноябрь куни Чеченистоннинг кремлпараст раҳбари Рамзан Қодиров ўзининг Инстаграм саҳифасида Ўзбекистон президенти Шавкат Мирзиёевнинг куёви Ойбек Турсунов билан ...
19 январ 2016
Чойхона оши Майхона оши Тўйхона оши Наҳор оши Таъзия оши Пайшанбаю якшанба оши Шундай ўтар рўзу рўзгорим Нарироқда ҳўв ...
22 март 2017
Математикага оид “Рисолаи Улуғбек” ва астрономия илмида воқеа бўлган “Зижи жадиди Кўрогоний” асарларини ëзган олим ва давлат арбоби Муҳаммад ...
Блоглар
18 декабр 2017
«Пахтага борасан, дейишди. Агар бормасанг, аризангни ёз ёки ўрнингга одам жўнат, дейишди. Ўзимизнинг ишимиз қолиб, ...
16 декабр 2017
Бундан 31 йил олдин Совет раҳбарияти Олмаота ëшларининг исëнини шафқатсизларча бостирган эди. АҚШ конгресси кутубхонасига ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга ...