Асосий мавзулар
7 апрел 2017

Антигинеколог имомдан арз қилган аëл тазйиққа учради

Эркакларнинг доялик қилишини «шармандалик» дея атаган 42 ёшли тошкентлик имом хатиб Раҳматуллоҳ Сайфутдинов чақириғи ортидан вазирликка шикоят қилган Фарида Шарифга тазйиқлар бошланди.

Имом тарафдорлари ва қаршилар ўртасидаги мунозара, Сайфутдиновнинг ўз фикридан қайтганидан кейин ҳам давом этмоқда.

Тошкентлик тилшунос Фарида Шариф, бу ҳақда Тиббиёт вазирлигига мурожаат этганидан сўнг имом тарафдорлари ҳужуми остида қолганини Элтуз мухбири билан суҳбатида билдирди:

«Мени судга беришмоқчи. Бироқ бу таҳдидлар асосан бу миллий ва диний мазмундаги ҳақоратлардан иборат»

Фарида шунингдек, уни фейсбук тармоғида «кофир, ўриспараст ва яҳудий» деб атаётганларни мутлақо танимаслигини билдиради.

Расмий жавоб йўқ

Тилшунос Фарида Шариф Юнусобод имомининг иддаолари юзасидан Тиббиёт вазирлигига қилган мурожаатига ҳамон жавоб олмаганини Элтуз мухбирига билдиради.

«Мурожаатимда мен, айни иддаога муносабат билдирилишини сўрадим. Чунки менинг назаримда, тиббиёт муассасалари учун кадрлар тайёрлаш масаласи давлат органлари томонидан ечилиши лозим», деди Фарида Шариф.

Элтузга билдиришича у бу ҳақда, 5-апрел куни Cоғлиқни сақлаш вазирлигининг Фейсбукдаги саҳифасига ёзган.

Бу ҳақдаги матн унинг саҳифасида пайдо бўлгач, имом тарафдорларининг унга қарши ҳуружи ҳам бошланган.

Имом ўз фикридан қайтдими?

Озодлик радиосига 4 апрел куни интервью берган Юнусобод имом хатиби Раҳматуллоҳ Сайфуддинов эркакларнинг доялик қилишига қарши баëнотидан қайтганини қисман билдирган. Лекин Фарида Шариф бундай эмас дейди:

«У ўз фикридан қайтгани йўқ. Имом шунчаки уни нотўғри тушунишганини айтди. Умуман унинг қандай ҳақи бор эркакларни ўз аёлларига эркак шифокорларни яқинлаштирмасликка чақиришга?»

Фарида Шариф шунингдек, имомнинг фақат тиббиёт ва аёлларга тааллуқли даъватига қарши чиққанини айтади, бошқа айни жамиятга фойдали маърузалари бундан мустасно.

«Масалан у, чекиш – гуноҳ эканини айтган экан. Мен буни қўллаб қувватлайман. Бироқ, соғлиқни сақлаш ва кадрлар тайёрлаш масаласи – давлат тизилмасига тааллуқли. Қонунга кўра, дин давлатдан ажратилган», дейди у.

Фарида Шарифнинг чиқишига қарши иддаолар эса, имомнинг даъвати фақат мусулмонларга оидлиги ва бошқа дин ва ирқдагиларга унинг алоқаси йўқлигини исботлашга уринишдан иборат бўлиб қолмоқда.

«Умуман, унинг аёлларга эркак шифокорларни яқинлаштирмасликни талаб қилишга нима ҳақи бор? Аёллар бизда ўз соғлиғини қандай ҳимоя қилишни ўзлари танлаш ҳуқуқига эгадир» дейди Фарида Шариф.

Имом – ижтимоий шахсдир

Имомнинг масжиддаги гаплари сўз эркинлигига бўлган унинг ҳуқуқи эмасми, деган Элтуз мухбирига Фарида Шариф шундай жавоб беради.

«Имом – омма олдидаги етакчи шахс. Аёлларнинг лозимига осилишдан осони йўқ. Унинг масжид минбаридан туриб, жамоат олдида айтган фикрлари эса аёллар ва уларнинг ҳуқуқларини таҳқирлайди».

Фарида Шарифнинг фикрича, жамият олдида катта обрўга эга бўлган имомлар, мамлакатда ислоҳотлар бошланаётган жабҳада ижтимоий муҳимроқ мавзуларда ваъз айтишлари зарур.

«Қандай кийиниш, қандай қўшиқ айтишни ўргатишдан кўра, чиқиб: «пора олманг, ёлғон гувоҳлик берманг, ўғирлик қилманг, камбағални хафа қилманг», дейишса бўлмайдими».

Тошкентнинг Юнусобод даҳасидаги «Мирза Юсуф» масжиди имом хотиби, 42 ёшли, Раҳматуллоҳ Сайфуддинов Жума маърузасида эркакларнинг гинекологик касб билан шуғулланишига қарши фикр билдирган.

Бу маъруза ижтимоий тармоқда, жумладан унинг видеотасвири Youtube канали орқали ҳам тарқалган эди.

Eltuz.com

Тағин ўқинг
19 октябр 2017
15 октябр куни Самарқандда «Қўрқмаслар» гуруҳини тамсил қилувчи фаоллар – Малохат Эшонқулова ва Елена Урлаева ички ишлар ходимлари томонидан ...
16 май 2018
Мирзиёевнинг АҚШга сафари бошланган 16 майда Россия нашрлари ИШИДнинг 5000 жангариси Ўзбекистонга ҳужум қилишга тайёрлиги ҳақида фейк хабарларни тарқатди. ...
28 июл 2017
Ўзбекистон Бош прокуратураси марҳум президентнинг тўнғичи Гулнора Каримова жиноятига оид тафсилотларини очиқлади. Бунга кўра, у 5 йилга қамалган, иккинчи ...
29 март 2017
Президент Мирзиёевнинг 7 мартдан кучга кирган қарори ортидан дори дармон тақчиллашуви билан боғлиқ жиддий муаммолар келиб чиқмоқда. Андижон шаҳридаги ...
Блоглар
17 июл 2018
Андижон шаҳри ҳокими Дилмурод Раҳматуллаевнинг нафақат қонунчиликни, балки энг юқори даражада берилган буйруқларни ҳам назар-писанд ...
16 июл 2018
Президент Шавкат Мирзиёевнинг ўз ўтмишдоши Ислом Каримов даврида ишдан урилган раҳбарларни қайта лавозимларга тайинлаш сиёсатига ...
9 июл 2018
Каттақўрғонда милиция капитанининг аёл кишини қип ялонғоч қилган ҳолда таҳқирлагани ўзбек жамиятида жуда катта шов-шувга ...