Таҳлил
31 март 2018

ДХХ раҳбари мухолифатнинг мамлакатга қайтишидан чўчимоқда

Олий Мажлис Сенати 29 март куни «Ўзбекистон Республикаси Давлат хавфсизлик хизмати (ДХХ) тўғрисида»ги қонунни тасдиқлади.

Мазкур қонунга кўра, ДХХга “давлат манфаатлари ва хавфсизлигига таҳдид солувчи миллий, ирқий ва диний адоватни тарғиб этишга қаратилган бузғунчилик фаолиятининг олдини олиш, уни аниқлаш ва унга барҳам бериш бўйича фаолият олиб бориш¸” ваколати берилди. Шунингдек, илгариги МХХ ваколатлари ҳам ўзгаришсиз қолдирилди.

Давлат хавфсизлик хизмати раиси Ихтиёр Абдуллаев сенаторлар олдидаги ўз чиқишида қонун юзасидан фикрларини билдирди.

“Ўзини мухолифат санаб юрган айрим кучларнинг фаоллашуви, фаолиятларини қонунийлаштиришга интилаётгани замирида мамлакатга кириб, ундаги барқарорликни издан чиқаришга қаратилган ҳаракат мавжуд. Ўзбекистоннинг бошқа давлатлар ҳудудида меҳнат қилаётган фуқаролари кўп ҳолларда турли экстремистик оқимлар таъсирига тушаётгани хавфли ҳолатлардан бири. Хорижий давлатлардан кириб келаётган инсвестицияларнинг барчасини ҳам фойдали, деб бўлмайди. Буларнинг ҳеч бири эътиборимиздан четда қолмаслиги керак», деди Ихтиёр Абдуллаев.

Сиёсий таъқиблар боис мамлакатни тарк этган собиқ дипломат Алишер Таксанов ўз фэйсбук саҳифасида изоҳ беришича, Ихтиёр Абдуллаев баёноти ҳорижда яшаётган мухолифатчиларга қаратилган.

«Мухолифатга давлат душмани дея қараш давом этаркан, у ҳолда бу ерда демократиянинг ҳидиям бўлмайди. Бу Ислом Каримов давридагидек полиция давлати бўлади. Бу тағин чақувлар, қийноқлар, фальсификация, фитна, рейдерлик, концлагер ва дор деганидир», дейди Таксанов.

Таксановга кўра, мухолифат давлат тизимининг ажралмас қисмидир. Токи ҳокимият ва ҳокимият институтлари мавжуд экан, мухолифат ҳам бўлади. Бироқ бугун Ўзбекистон ҳукумати тепасида ҳамон илгари раҳбар пайтида ишлаган одамлар ўтирибди ва улар ўзгаришларга қодир эмас.

Қисқа муддатли илиқликдан кейинги «қаҳратон»

Ихтиёр Абдуллаев ўз нутқида қўшни давлатлар билан чегараларнинг очилгани туфайли кириб келаётган одамлар кўпайгани, улар билан диний экстремистик руҳдаги адабиётларнинг кириб келаётганини таъкидлади.

«Эътиқод эркинлигини айримлар нотўғри тушуниб, турли оқимларга киришга ҳаракат қилаётганида намоён бўлмоқда”, деди у.

Мухолифат мавжуд ҳукуматнинг ажралмас қисми бўлиши кераклигини айтаркан, Алишер Таксанов мамлакатда мухолифатга чек қўйилиши унинг радикаллашувга асос бўлишини урғулади.

«Агар одамларда ўзбошимчалик, зўровонлик ва қатағонларга қарши туришнинг легал шакллари қолмаса, у ҳолда ҳукумат яширин ёки исёнкор мухолифатни олади. Устига устак, улар эндиликда дин ва сиёсий шовинизм байроқлари остида бўлишади».

Таксановнинг фикрича, давлат мамлакатда конструктив мухолифатни рағбатлантириши керак, бунинг учун эса ноҳукумат ташкилотларни легаллаштириш, матбуот ва интернетга эркинлик берилиши лозим.

«Қизиқ, нимага асосланиб ДХХ бундай хулосага келди, биз мамлакатда нобарқарорлик келтириб чиқаришни истаймизми? Ёки шунчаки, Ўзбекистондаги сиёсий жараёнларни бошқаришимизга йўл қўймаслик, хайрихоҳларни бездириш учун бизни «бузғунчилар» ва «фитначилар» сифатида кўришни истшаяптими?…

Бу гўё қисқа муддатли ҳаво ўзгаришидан сўнг тағин «қаҳратон» зарба бераётганига ўхшайди», дейди Таксанов.

Eltuz.com

Тағин ўқинг
18 сентябр 2017
Уйландингми тамом, бир йилдан кейин фарзанд кўрмасанг «бир балоси бор буларнинг» каби тавқи лаънатни қучоқлайсан. Мана допустим, тасаввур қилинг ...
27 октябр 2016
26 октябр куни 78 ёшида вафот этган таниқли кинорежисер Мелис Абзаловнинг жанозаси Стокҳолмнинг Кунгсэнген бўлгасида жойлашган мусулмон қабристонида ўқилди. ...
5 май 2015
Институтнинг биринчи курсида ўқиганим 1980 йилда манғитлик шоир Мансур Ахмедов билан жўра эдик. Мансур Ахмедов бир куни менга Абдулла ...
4 сентябр 2017
Бу мақолани Арипов Бош вазир қилиб тайинланган 2016 йилнинг 12 декабрида ëзгандим аммо янги одамга шанс берайлик, эски гапларни ...
Блоглар
4 декабр 2018
Ўзбекистонда Мудофаа вазирлиги қўшинларининг жанговар тайёргарлигини синовдан ўтказиш мақсадида ташкил этилган кенг кўламли ўқув машғулотлари ...
3 декабр 2018
Мана бу расмларда кўриб турганингиз Суриянинг Идлиб ёхуд Ҳалаб шаҳарларидаги биноларнинг эмас, Ўзбекистон Республикаси Навойи ...
3 декабр 2018
“Ўз газингни ўзгага бериб, таппи ёққан ўзбегим”, дея совет даврини ёмонлаган халқимиз ўзининг замонавий тарихида ...