Асосий мавзулар
5 сентябр 2018

Иноятовларнинг Туладаги парранда фабрикаси 

Рустам Иноятов оиласи Россиянинг Тула вилоятида 5,3 млрд рубллик ($80 млн. доллар) парранда етиштирувчи саноатга эгалик қилади. Улар, шунингдек, ўша ҳудуддаги бир қатор йирик лойиҳалар, жумладан, 1,3 млрд. рубллик ($20 млн) омихта ем комбинатига ҳам сармоя ётқизишган.

(Инглиз тилидан таржима. Мақоланинг оригинали бу ерда)

Туланинг «фахрий сармоядорлари»

Волово – Тула вилоятининг Москвадан тахминан 270 км. жанубда жойлашган муниципал тумани. У ерда, шунингдек, парранда етиштиришга ихтисослашган  «Volovskiy Broiler» заводи ҳам жойлашган.

Корхона расман ишга туширилган 2016 йилнинг октябрида Тула вилояти губернатори кўплаб олий мансабли амалдорлар иштирокида «фахрий сармоядорлар»га миннатдорлик билдирди.

Губернатор «Воловский бройлер» лойиҳаси аслида Россияга киритилган ўзбек капитали эканини таъкидлади. Лекин у «фахрий сармоядорлар» Иноятовлар оиласи ва унинг шериклари эканини эсга олмади.

Ўзбекистон Миллий хавфсизлик хизматининг собиқ раҳбари Рустам Иноятовнинг ўғли Шариф Иноятов отаси иқтидордалиги пайтидаёқ хорижий давлатларга кўп миллионли сармоялар киритган эди.

Иноятовлар, шунингдек, ўз бизнесларини Россияда,  Тулада давом эттириш учун ҳам йирик сармоя ётқизишган.

80 миллион долларлик парранда империяси

«Воловский бройлер»нинг 99,9% фоиз улуши Кипрнинг Лимасол шаҳрида жойлашган Rilves Limited ширкатига тегишли. Rilves Limited эгалари эса Шариф Иноятов ҳамда унинг шериклари Бахтиёр Фозилов ва Равшан Убайдуллаевдир. Rilves Limited, ўз навбатида, Кипрдаги тўртта оффшор компания – Drawngate Investments, Epamina Holdings, Drupola Holdings, Drokel Investments га бўлинган – улар ҳам учала Ўзбекистон фуқароси назоратида.

Иноятовлар оиласи ва уларнинг ҳамкорлари «Воловский бройлер»га  5,3 млрд рубль (80 млн доллар атрофида) сармоя ётқизишган. Мажмуа йилига 60 минг тонна тайёр маҳсулот беради. Бу Россиянинг Тула вилоятидаги энг йирик паррандачилик мажмуасидир.


Маҳсулотлар «СВОЯ» савдо маркаси остида сотилади. «Воловский бройлер» Тула ва Москвада ўзининг шахсий «СВОЯ» савдо тармоқлари ва заводларига эга. Фирма Волова, Тула ва Москвада офисларига эга.

Пуллар ҳамон Ўзбекистондан сизмоқда

Парранда гўшти ишлаб чиқарувчи завод Шариф Иноятовнинг Туладаги ягона инвестицияси эмас. Шариф Иноятов, Бахтиёр Фозилов ва Равшан Убайдуллаев вилоятдаги яна бир қанча лойиҳани назорат қилишади. Жумладан, Rilves Limited Воловодаги «Автодорстрой» қурилиш корхонасининг  51% фоиз улушини, шунингдек, «АргоПанел-Систем» савдо ишлаб чиқариш компаниясини назорат қилади.

Иноятов, Фозилов ва Убайдуллаев «Волова Комбикорм» заводи, «Аксус Груп» ва «Воловский Мез»  ўсимлик мойи ишлаб чиқариш заводларга ҳам эгалик қилишади.

Иноятовлар Россиядаги ўз бизнесларига катта маблағлар сарфлашда давом этишмоқда.

2016 йилнинг июнида Тула вилоятидаги «Воловский комбикорм» заводи вакили ҳисобланган Равшан Убайдуллаев омихта ем ишлаб чиқарувчи завод қуриш ҳақида битим имзолаган эди. Иноятов ва унинг шериклари бу лойиҳага 1,3 миллиард рубль (19 миллион доллар) сарфлашган.

2018 йилнинг январида Президент Мирзиёев танқидидан сўнг Рустам Иноятов Ўзбекистон Миллий хавфсизлик хизмати (МХХ) раислигидан олинди. Бироқ Иноятов ҳокимиятга яқинлигича қолди.

27 август куни президент фармони билан МХХнинг собиқ раиси Иноятов ислоҳотларнинг бориши ва ҳуқуқ-тартибот фаолиятини мувофиқлаштириш масалалари бўйича президент маслаҳатчиси этиб тайинланди.

(Инглиз тилидан таржима. Мақоланинг оригинали бу ерда)

Тағин ўқинг
3 июл 2018
Тошкент тумаин ҳокимлиги кафолати билан Туркиядан қайтгач, 26 июнда ҳибсга олинган йирик тадбиркорлар Обид ва Олим Баҳромовлар Давлат хавфсизлик ...
3 феврал 2018
Президент Мирзиёев 31 январь куни Миллий хавфсизлик хизмати раиси Рустам Иноятовни ишдан олишидан сал аввал унинг икки ўринбосари ва ...
19 январ 2017
Истанбул Террорга қарши мужодала шўъба мудирлигида 45 соатдан бери давом этаëтган терговда Ўзбекистон ватандоши Абдуқодир Машариповнинг терговчилар саволларига берган ...
8 апрел 2016
Газетанинг ёзишича, бу йилдан бошлаб коллеж битирувчиси билан тўрт томонлама шартнома тузиш тартиби жорий этилган. Энди шаҳар, туман ҳокимликлари ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...