Асосий мавзулар
22 май 2017

Ўзбекистон – Осиёдаги энг йирик «йўлбарс»ми?

“XXI аср” газетасининг (18.05) «Тараққиётнинг янги модели ёки «йўлбарс шиддати»га шайланаётган мамлакат» мақоласидаги иддаога кўра шундай.

Мақолада Жанубий Корея, Гонконг, Сингапур, Тайвань, Малайзия ва Таиланд давлатлари ўз иқтисодиётидаги жадал ўсишлар сабаб «Осиё йўлбарслари» номига сазовор бўлгани эслатиб ўтилади.

Газетанинг “халқаро экспертлари” Ўзбекистон “яқин даврда ривожланиш шиддати бўйича ҳатто ўша машҳур «Осиё йўлбарслари»дан ҳам ўтиб кетишини сезиб туришибди», деб ёзади мақола муаллифлари.

Ўзбекистоннинг марҳум президенти “келажаги буюк давлат” дея халқнинг қўйнини пуч ёнғоққа тўлдириб келганини кўпчилик яхши хотирласа керак.

Аммо орадан 25 йил вақт ўтиб ҳам пишак мақомида бўлган Ўзбекистон шундан нарига кўтарила олмади.

Янги президент замонида Ўзбекистон яна «йўлбарс»ликка даъво қила бошлаган кўринади.

Амалдаги давлат раҳбарининг ҳаракатлар стратегиясини улуғлаш мақсадида қораланган бу мақоладаги баладпарвоз гапларни ўқисангиз, ақлингиз шошади.

Ўзбекистон қандай шиддат билан ривожланаётган эканки, унинг «йўлбарс»дан зўр бўлиб кетиши сезилиб турилса?!

Айтиш керакки, муаллиф кейинги 13 йилдан буён Ўзбекистон иқтисодиёти 7-8 фоиздан ўсаётгани тўғрисидаги баландпарвоз рақамларни, ҳаракатлар стратегияси ижроси доирасида жалб этилиши режалаштирилган инвестицияларни ўз мулоҳазаларига асос қилиб келтирган.

Реал ҳаётда эса, бу «ўсиш» Ўзбекистоннинг на иқтисодиётида, на аҳоли турмуш тарзида ўз аксини топаётганини кўрмаймиз, фақат хўжайиннинг силашига иштиёқманд пишакларнинг атрофда яна миёвлай бошлаганини сезиш мумкин.

Баҳодир Шариф
Ўзбекистонлик газетхон таҳаллуси
Eltuz.com

Тағин ўқинг
16 март 2017
1991 йилнинг 17 мартида Ислом Каримов бошчилигидаги Ўзкомпартия СССРни сақлаш учун 93.7 фоиз овоз ташкил қилиб берган эди. Референдумга ...
7 январ 2017
Ҳуррият ва бошқа турк газеталарининг ëзишича қотил “Абу Муҳаммад Хуросоний” код исми билан ҳаракат қилган ўзбек миллатига мансуб Абдуқодир ...
2 март 2017
Аввалига Ўзбекистон касаба уюшмалари федерацияси сайтида босилган қуйидаги мақола жуда долзарб бўлгани сабабли мамлакатдаги бир неча норасмий интернет газеталарда, ...
9 октябр 2015
Журналистларнинг Ўзбекистондаги кўп жиддий ўзгаришларни тушунишлари қийин бўлиб қолди. Айниқса, “бирор фикрингни билдиришдан олдин раҳбарият олдига чиқиб руҳсат” олиш ...
Блоглар
16 ноябр 2017
Сал аввалроқ ўзбек матбуотида Меҳнат вазирлиги ва Миграция агентлиги масъуллари Росссияга сафар қилиб, кўплаб учрашувлар ...
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа ...
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг ...