Асосий мавзулар
7 феврал 2018

Қайтар дунё…ми?

Мустақилликнинг илк йилларида Ўзбекистон президенти Ислом Каримов шўролар даврида республикани узоқ йиллар бошқарган Шароф Рашидовнинг номини гўёки оқлашга қаратилган бир қатор ишларни амалга оширганди.

Кейинчалик бу ишлари фақат ўзига халқни оғдириш, обрў орттириш мақсадида қилингани, аслида бу саъй-ҳаракатларининг Ш.Рашидов нуфузини ҳақиқатан тиклашга ҳеч қандай алоқаси йўқлиги аён бўлганди.

Чунки орадан ҳеч қанча вақт ўтмай, Ш.Рашидов номи матбуотдан қувғин қилинди, ҳатто унинг шарафига қўйилган туман номи ҳам ўзгартирилди.

Энди бу кечмиш бугун тарихга айланган Ислом Каримовнинг ўзи билан рўй бераётгандек таассурот уйғонмоқда.

Хўш, бундай муқоясага нима сабаб бўлди, деган савол туғилиши мумкин. Аввало, ўтган йилнинг сўнгги ойларида Шароф Рашидовнинг, яқинда эса Ислом Каримовнинг юбилейларига матбуотнинг реакциясига эътибор қаратиш лозим.

Ҳали оламдан ўтганига кўп вақт бўлмаган марҳум президентнинг шарафига эълон қилинган мақолалар, эфирга узатилган радио ва телеэшиттиришлар кўлами компартиянинг айнан унинг даврида номини унутишга уринилган биринчи котиби шаънига янграган чиқишлардан унча фарқ қилмади.

Қолаверса, Ислом Каримов юбилейига оид чиқишлар бу тантаналар тугаши билан гўёки йўқликка ғойиб бўлди. Эшонмасангиз, маҳаллий ОАВни кузатинг.

Бундан ташқари, юбилей ўтар-ўтмас Каримов даврининг энг ёрқин «тимсоллари»ни яшин тезлигида бартараф этишга киришилди.

Рустам Иноятов МХХ раиси лавозимидан қувилди, диктаторнинг қизи эканини Франция судлари орқали рад этишга уринган Лола Каримова Ўзбекистоннинг ЮНЕСКОдаги элчилигидан кетди.

Бундан олдинроқ, Лоланинг мамлакатдаги бизнес империяси асоси бўлмиш «Абу Сахий» бозори ундан тортиб олинганди.

Хуллас, Ислом Каримовнинг чексиз қудрати тимсоллари бирин-кетин бартараф бўлмоқда ва бу жараён тўхтайдиганга ўхшамайди.

Мамлакатда юз бераётган ўзгаришлар тўлқини марҳум диктаторнинг бутун изларини ўчириб кетадиган йўналишда эсаётгандек назаримизда.

Каримов номидаги жамғармаю музей, мақбара, унга мамлакатнинг учта шаҳрида ўрнатилган ҳайкаллар кимнидир бу хулосалардан чалғитиши мумкин.

Лекин вақти келяптики, улар фақат собиқ диктаторнинг даврини халққа эслатиб турадиган, шу орқали янги ўзгаришларнинг аҳамиятини намоён этадиган тимсолдан бошқа ҳеч қандай қадрга эга бўлмай бораверади.

Баҳодир Шариф
Eltuz.com

Тағин ўқинг
14 июн 2016
ШҲТ саммити яқинлашган сайин ўзбек ҳукуматининг ҳўжакўрсин тадбирлари кўлами ортмоқда. Расмийлар ўз ҳаракатларини Вазирлар маҳкамасининг “Тошкент шаҳри магистрал кўчаларини ...
18 апрел 2017
18 апрел куни Қирғизистон президенти Алмаз Атамбаевнинг 20 яшар кенжа қизи Алия Шагиевага тегишли «Фейсбук» ва «Инстаграм» ижтимоий тармоқларидаги ...
28 июл 2016
«Ҳуррият» газетаси ўз муассиси бўлмиш Журналистлар уюшмасига қарашли мониторинг гуруҳининг мамлакат матбуоти жорий йилнинг иккинчи чорагида нима кароматлар кўрсатгани ...
4 май 2016
Eltuz.com маҳаллий қўшиқчи ва санъаткорларни турли чегаралардан чиқмасликка даъват қилиб келаётган ўзбек мулозимлари ҳажв этилган рассом Тузнинг янги карикатурасини ...
Блоглар
24 сентябр 2018
Бугун 75 йиллик юбилейи баҳона Рауф Парфи номи эсланаркан, унинг асл шогирдлари билан бир қаторда, ...
24 сентябр 2018
Сўнгги кунларда Ўзбекистондаги пахта йиғим-терим мавсумига оид турли ОАВларда эълон қилинаётган хабарлар мамлакатда мажбурий меҳнат ...
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...