Дайжест
8 июн 2016

Баландлаб-баландлаб кетаётган байроғимиз

Ўзбек телеканалларидан кўриб билдикки, спортда ҳам ютуқларимизнинг сон-саноғи йўқ экан. Телеканалларнинг бу соҳага эътибори ҳам зўр. Ахир спортимиз эришаётган ютуқлар, бунинг асосий сабабчиси ким экани, кимнинг ғамхўрлиги ва эътибори натижаси эканини одамларга етказмасак, халқ билмай қолиши мумкин-да.

Бир йигитча каратэ билан 7 йилдан бери шуғулланар экан. Халқаро тоифадаги спорт устасиман, деди камтарлик билан. Ўтган йили президентимиз Қашқадарёга ташриф буюрганида ёш спортчи сифатида сўзга чиқиб, кейинги мусобақада албатта олтин медаль оламан, деб ваъда берган экан.

Ўзбек сўзида турадиган халқ. Бу йигитча ҳам шундан кейин яқинда Истанбулдаги мусобақада «Ўзбекистон байроғини баланд кўтариб», сўзининг устидан чиқибди.

«Биз Ўзбекистон ёшлари ҳеч кимдан кам эмасмиз, биз ҳеч кимдан бўлмаймиз ҳам», деди ғурур билан. Сал бўлмаса, кўзларига ёш олиши ҳам мумкин эди. Лекин иродаси кучли экан. Ўзини тутди. Ахир телевизорда ҳар нарсага кўзига ёш оладиган йигит бўлиб кўринишни истамади-да.

Ҳатто биттаси президентнинг «Ҳеч нарса мамлакатни спортчалик тез дунёга  танита олмайди», деган сўзларини ҳаётининг шиорига айлантириб олибди. Енгил атлетикачи қиз. Осиё рекордини икки марта янгилаган. Спортда эришган муваффақияти учун Зулфия мукофотини олган.

«Бундан эътибор фақатгина бизнинг мамлакатда мавжуд», деди у ҳам ғурур билан. Лекин нега жаҳон майдонларида фақат қоп-қора, қоп-қора қизлар биринчи ўринни олади, сен уларнинг соясида ҳам кўринмайсан-ку, деб ҳеч ким айтмади. Қизча уялмасин дейишди шекилли.

Энг эътиборли жиҳати, ҳамма спортчи йигит-қизларимиз фақат Ўзбекистон байроғини баланд кўтаришга ишқибоз. «Спорт» телеканалини бир кўринг, қайси гапирса, дарров байроқдан келади. «Агар байроқни юксалтира берсаларинг, бундай баланд кўтараверсаларинг, кўринмай кетади-ку», деб истиҳола ҳам қилиб қўяди одам.

Мана, қўшни Тожикистонда ҳам байроқни баланд кўтаришга ишқибоз бир одам бор. «Миллат пешвоси». Байроқни фақат баланд кўтариб юришдан бошқа ишлари ҳам бор унинг. Шунинг учун байроқни дунёда энг баланд қилиб кўтариб туришга мослаб битта иморат солган. Флагшток дейди билганлар. Шунчалар баландки байроғи, қараган одам маданиятлироқ бўлса, шапкаси тушиб кетади, бундайроқ одам бўлса, қарагандан кейин дўпписини ердан қидиришига тўғри келади.

Биз ҳам шу жиҳатига эътибор беришимиз керакка ўхшайди. Спортчиларимизнинг қўлини ҳар доим байроқ билан банд қилиб қўймай, ўша Тожикистондагидан ҳам баландроқ битта флагшток қурсак, ёмон бўлмасди. Спортчиларимизнинг қўли толмасин дейман-да. Қўли толса, ютқазиб қўйса бирорта мусобақада, кейин ўзимиз уялиб қоламиз-да!

Eltuz.com

Тағин ўқинг
22 декабр 2016
«Ҳуррият» газетасида (21.12) босма нашрлар ҳақида чоп этилган мақола сарлавҳасини ўқиб, унда долзарб масала кўтарилган экан, деб ўйлашингиз мумкин. ...
8 январ 2017
“Истанбул хавфсизлик идораси бу исқиртни “ўзбек” деб айтди, бундан олдин қирғиз ва уйғур деган гапни айтган эди», дея ёзди ...
22 сентябр 2016
15 сентябр куни халқаро криминал авторитет Ғафур Раҳимов Ўзбекистон Интерполи қидирувидаги шахслар рўйхатидан cирли тарзда олиб ташланди, айни пайтда ...
2 март 2018
19 йиллик тутқунликдан кейин «Эрк» демократик партияси фаоли 54 ёшли журналист Юсуф Рўзимуродов 22 февраль куни Чирчиқ қамоқхонасидан озод ...
Блоглар
20 июн 2018
Айрим нашрлар марҳум президентнинг коррупционер қизи Гулнора Каримованинг Швейцария банкларида музлатилган пулларни Ўзбекистон ҳукуматига қайтариш ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва ...
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...