Асосий мавзулар
5 октябр 2016

Гулнора Каримова тағин твиттерда пайдо бўлдими?

4 октябр куни ўз онасига нолалари тарзида битилган мактубида Гулнора Каримова экани иддао қилинаётган Афина@zabitaya1972 аккаунти эгаси уч йиллик азобларини жаҳаннамнинг тўққиз қаватига тенглаштиради.

Бундан бир неча кун аввал эса бир қанча нашрлар Гулнора Каримованинг руҳий шифохонага ётқизилгани ҳақида хабарни тарқатган эди.

rasm3092Руҳий носоғлом одамнинг узуқ юлуқ алаҳсирашини эслатувчи мактуб муаллифи, гоҳ ўз томирини кесишга аҳд қилгани, гоҳ қуёшнинг йўқлиги, гоҳ эса сабр чидам билан яшаш кераклиги ҳақида ёзади.

«Афтидан мени эзиб йўқ қилишди, зўрға нафас олаяпман – демак расман тирикман» дея давом этади у.

«Яқинда ўламан… ортиқ чидолмайман…»

Атроф зулматдан иборатлиги, ёлғиз скамейка ўзига дугона экани ва ўлим ҳақидаги бироз тушкун жумлалар орасидан, унга озор етказган реал шахсларга оид гапларни ҳам ўқиш мумкин.

Бу энг аввало унинг қизи Имон ҳақидаги жумлалар. Мактуб мазмунидан Гулноранинг қизидан ажратилиб сақланаётганини билиш мумкин.

«Бутун фикрим бир нарса ҳақида… Менинг қизим қандай? Бугун нима қилаяпти? Йиғлаяптими у? Чидаб бўлмайди…» дея ёзади у.

Мавхум иккиланишлар ва чалкаш зиддиятларга бой мактуб сўнггида у тағин қизини қайтаришни сўраб онасидан кечирим сўрайди.

rasm3094

«Янги ўғил», «тож соқчиси» ва қувилган душманлар

Унинг кейинги гаплари «янги ўғил» яъни Ўзбекистоннинг муваққат президенти Шавкат Мирзиёевга тааллуқли.

«Отам ҳеч қачон унинг икки ўғли борлиги ҳақида гапирмаганди. Янгисини исми Шавкат экан??? У ҳолда нима учун Миромонович?! Ўғил конституцияни аккуратгина отлаб ўтиб, тағин Отанинг васиятига тупурган бўлса (Н.Ю)? Ўзбек Берияси туғилгани йўқми ўғилда ё? Бу қонуниятми?!»

Ўз ғаними Рустам Иноятовни мактуб муаллифи «тож соқчиси», «чўлоқ» иборалари билан атайди. Қувилган душманлар эса Cалим Абдувалиев, Ҳаёт Шарифхўжаевлар эканини англаш қийин эмас.

«Эндиликда у қувилган душманлар билан суҳбатлашаётганида пардаларни ёпмайди. Барча урилганлар умумий оиласига айлганган. Салим чой қуяди… Шариф асал узатади…»

rasm3093Eltuz.com Гулнора Каримовага тегишли экани айтилаётган ушбу мактуб эгаси билан боғланишга уриниб кўрди.

«Сизни ҳақиқатан ҳам қийноққа тутишаяптими, ёки фақат изоляцияда сақлашаяптими?» деган eltuz.com мухбири саволига Гулнорага тегишли экани иддао қилинаётган Афина@zabitaya1972 аккаунти эгаси:

«Менга онамнинг охранаси босим ўтказаяпти. Янчиб ташлаш билан таҳдид солишмоқда… Бу даҳшатлар кунора содир бўлмоқда…» дея ёзди.

Унинг тахминан қаерда экани ва атрофида яқинларидан кимлар борлиги ҳақидаги сўроғимизга у ўзининг Тошкентда, Президент резиденцияси яқинида сақланаётгани, атрофида яқинлари йўқлиги, болалари ёнида эмаслиги, ўғли Исломнинг узоқдалиги, қизи эса онаси томонидан зўрлик билан олиб қўйилгани, анчадан буён  унинг (Татьяна Каримов) ёнида қолаётгани ҳақида жавоб қолдирди.

Eltuz.com

Тағин ўқинг
19 апрел 2016
Порахўрлик бўйича мамлакатда энг катта улуш кучишлатар тизимларига тўғри келиши айтиб келинади. Милиция тўғрисида эса ҳануз Ўзбекистонда ҳатто қонун ...
21 сентябр 2017
Бўлмади. Кўпчилик зиёлиларнинг кутгани бўлмади. Ўзини 26 йилдан буён мустақил деб биладиган, кўксига уриб бу билан ғурурланадиган давлатнинг раҳбари ...
10 май 2017
Ўзбек бадиий киносига асос солган Йўлдош Аъзамов 1909 йилнинг 10 майида Сирдарёда туғилди. Йўлдош Аъзамов, «Совкино», «Востоккино», «Ўзбекфильм»ларда ишлади, ...
24 март 2017
1873 йили Россия ва Хива хонлиги ўртасидаги Гандимиëн шартномасига кўра, Хива хонлигида қулдорлик бекор қилинди. Ўша йилнинг 12 августида ...
Блоглар
16 декабр 2017
Бундан 31 йил олдин Совет раҳбарияти Олмаота ëшларининг исëнини шафқатсизларча бостирган эди. АҚШ конгреси кутубхонасига ...
14 декабр 2017
14 декабрь куни таниқли фоторассом Умида Аҳмедова ўзининг фейсбук саҳифасида бузилаётган Киночилар уйи ҳаробаларини суратга ...
12 декабр 2017
«Ижтимоий фикр» барака топсин, яна раҳбарга ёқадиган, ақлини таниганларнинг истеҳзосига сабаб бўладиган навбатдаги сўрови натижасини ...