Кундалик
19 январ 2016

Cудланувчининг рафиқасига қамоқ билан таҳдид килишди…

18 январ куни эрталаб соат 10 да туман хокимлигига чақирилган Ширин Турсиновани ҳокимлик биносида, хоким Ғофур Қаршибоевнинг муовини Фотима Расулова, маданий тарғибот ишлари бўйича ходими Карим Тотлибоев, Алишер Очилов ва махаллалар бўйича вакил Раъно Завқиевалар кутиб олишган.

«Улар аввалига мени яхши гаплар билан кутиб олишди”, – дейди Ширин.

Кейин бир хонага олиб киришиб, унга Eltuzда ва бошқа сайтларда чиққан интервьюларини кўрсатишган.

Шириннинг айтишича, йиғилганларнинг ҳаммаси, уни туман хокими Ғофур Қаршибоев хақида миш мишлар ва бўхтон тарқатаётганликда айбламоқчи бўлишган.

Лекин Ширин Турсинова уларнинг барча иддаоларини рад қилган ва интервьюларда рост гапирганини, туман хокими ва турмуш ўртоғи ўртасида балиқ хавзаси билан боғлик можоро кўп бўлганини айтган.

«Нега энди хоким Озодликка берган интевьюсида эримни танимаслигини айтган? Ахир у киши унда кунора Арамаисга телефон қилиб гаплашардику? Арамаисни хафтасига 2-3 марта олдига чақирарди, ўзи хам балиқ хавзасига бир неча марта келиб, Арамаис билан кўп гаплашарди. Буни хамма билади. Мен туҳмат қилмадим. Бу гапни хар жойда айтаман» деган Ширин хокимият расмийларига.

“Синглингизни йўлга солинг, суд тугагунга қадар жим юрсин!”

Учрашувдаги расмийлар, Ширинни тинчлантиришга уринишган ва у билан бирга келган опасига таъсир ўтказмоқчи бўлишган. «Синглингизни йўлга солинг, суд тугагунга қадар жим юрсин» дейишган. Опаси эса уларга, бу ишда ёрдам бера олмаслигини, Ширин ўзининг мустақил хаётига эга эканлигини айтган.

Учрашув сўнгида хокимият вакиллари Ширин Турсиновани, эрининг айби исботланмаса албатта озод этилиши хақида айтишиб, узатиб қўйишади.

Шу куннинг икинчи ярмида Ширин Турсинова Жиззах вилоят жиноий судида бўлиб ўтаётган эрининг судида қатнашди.

Суд жараёнида жиддий ўзгариш

Шириннинг айтишича, бугунги суд мажлисида Арамаис Авакян анча ўзига ишонган холда кўринган. У гувоҳларга ва бошқа иштирокчиларга бемалол саволлар берган, фактларни аниқлаштирган, Судя хам, прокурор хам уни сўзларини бўлишмаган.

«Бу анча жиддий ўзгариш» деди Ширин Турсинова.

Ажабланарлиси, охирги суд мажлисида Арамаисга қарши кўрсатма берган гувохлар, бугунги мажлисда ўз кўрсатмаларини ўзгартиришган.

Кузатувчилар бу ўзгаришларни бир томондан ижобий ва бошқа томондан хавотирли дея аташмоқда.

«Арамаис Авакян иши халқаро матбуотда кўринди, хаттоки Арманистон хукуматининг ҳавотирига сабаб бўлди. Маҳаллий ҳокимнинг зўравонлиги ҳам очиқланаяпти. Бу ҳолда, расмийлар Арамаисни озод қилишлари ҳам мумкин.

Аммо, хавотирли жиҳати шундаки, бу компромисс эвазига улар Арамаиснинг рафиқаси Ширинни қамоққа олишлари ҳам мумкин.

«Чунки расмийлар ҳокимнинг обрўсини ҳам тиклашлари керак. Бунинг учун эса улар кимнидир тухмат қилганликда айблаб, иш очишлари керак бўлади» дейди кузатувчилардан бири.

Улуғбек Ашур
Eltuz.com

Тағин ўқинг
23 сентябр 2016
21-22 сентябр кунлари Бувайда туманидаги шифохонага бирин кетин туманнинг иккита коллеж буфетидаги пишириқларда захарлангани иддао қилинган ўқувчилар келтирилган. Туман  тиббиёт ...
26 март 2016
Суд мажлисидан чиқаётган АҚШ элчихонаси вакилларини ташқарида Жиззах вилоят телевиденияси мухбирлари Дилмурод Абдурахимов ва тасвирчи Умид Носировлар кутиб олишди. ...
29 январ 2018
Президент Мирзиёев қарори билан милиция органларида шаффофликни таъминлаш чоралари кўрилмоқда. Президентнинг қарорига кўра, жорий йил 1 майдан бошлаб ИИВ ...
10 апрел 2016
Ўзбекистон дорихоналарда сотиладиган дори-дармонларнинг анчагина қисми ноқонуний йўллар билан олиб кирилиши ёки қалбаки экани тўғрисида кўп айтилади. «Диёнат» газетаси ...
Блоглар
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида «пул ва ...
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...
11 июн 2018
Яқинда ОАВ вакиллари билан учрашган Ўзбекистон ёшлар иттифоқи марказий кенгаши раиси, президентнинг давлат маслаҳатчиси Қаҳрамон ...