Асосий мавзулар
13 июн 2017

Азиза Ниёзметова: «Озодбек ўз ҳурматини талаб қилаяпти»

Давлат идоралари корпоратив базмларида хонандалар хизматидан бепул фойдаланилиши ҳақидаги Ўзбекистон халқ артисти Озодбек Назарбеков шикояти турли бахсларга сабаб бўлди.

2 июн куни «Ўзбекконцерт» идораси йиғилишида бу ҳақда гапирган Назарбеков Маданият вазирлигида махсус тижорат бўлими очиш ва артистларнинг корпоративлардаги хизмат ҳақини шу бўлим орқали тўлашни таклиф қилган.

Элтуз нашрига бу юзадан интервью берган хонанда Азиза Ниёзметова Назарбековнинг бу фикрини қўллаб қувватлашини билдирди.

«У тадбирлардан қочишни эмас, ўз ҳурматини талаб қилаяпти», дейди Ниёзметова.

Искандар Облоқулов: «Унинг адолат талаб қилишга маънавий ҳаққи йўқ»

Озодбек Назарбековнинг чиқишини залда ўтирган унинг ҳамкасблари қарсаклар билан олқишлашди, интернетда эса артистлар ҳукумат вакилларига текин хизмат қилиб бериши керакми деган мунозара кўтарилди.

Интернетда шунингдек, таниқли артист иддаосига қарши, услубига кўра буюртмани эслатувчи мақолалар ва изоҳлар пайдо бўлди.

«Иккита қўшиқ айтиб қўйиб, минг доллар оладиган ва ҳукуматга солиқ тарзида бир тийин тўламайдиган, кимсан Назарбеков, баъзан текин қўшиқ айтишидан шикоят қилаяптилар», дея ёзди ўзбекистонлик ҳуқуқшунос Искандар Облоқулов.

Мақолада у «ойлаб концерт бериш билан танилган» Озодбек Назарбековнинг солиқ тўламаслигини (ЎзП ЖКнинг 184 моддасига кўра) жиноят эканини билдиради.

Унинг фикрича, «деярли барча маҳаллий шоу бизнеси вакиллари каби, унинг ҳам адолат талаб қилишга маънавий ҳаққи йўқ».

Азиза Ниёзметова: «Биз фаолиятимиз учун ҳукуматга солиқ тўлаймиз!»

Ниёзметова, тўйларга чиқиш учун 15 миллион сўм (1830 доллар) тўлаб «Ўзбекконцерт» лицензиясини олганини айтади.

«Бунинг ичида ҳали солиқ йўқ. Лекин мен концертимни ўтказганимдан сўнг, 4-5 ойдан бери ўз бизнесим билан овораман» дейди у.

У ўз фирмаси борлиги, унинг солиқлари, ер солиғи, уй солиқларидан ташқари, даромад солиғини тўлаши кераклигини айтади.

«Мана ҳозир яна бир солиқ учун қоғоз келган. Бунга кўра лицензия фаолияти учун, шартли белгиланган суммани – 800 минг сўмни тўлашим керак», дейди ҳонанда.

Солиқ тўламаслик эвазига корпоративларда қўшиқ айтиш керакми?

Артистларнинг «тўй пули»га қонунчилик асосида солиқ солиш, унинг миқдорини белгилаш – бу солиқ идораси компетенциясига оид масала.

Текинга қўшиқ айтишдан норози Озодбек Назарбековни танқид қилувчиларнинг позицияси эса жуда ажабланарли.

Бундан, «агар солиқ тўламасанг, давлат ходимлари базмида текин хизмат қилиб беришинг шарт», деган маъно келиб чиқади.

Бироқ, бу хизмат қанақасига тўланмаган солиқ ўрнини қоплаши мумкин, деган савол очиқ қолади.

Eltuz.com

Тағин ўқинг
29 июн 2018
«Нонкесар» нонни бўлакларга ажратиш билан банд, ёнида сут челаги ва яна алламбало нарсалар… «Йўқот ашқол-дашқолингни! Тезлат, жаллаб! Нега иммиллайсан, ...
30 сентябр 2023
Элтузга келиб тушган аноним мактубда Ички ишлар вазирлиги Транспортда хавфсизликни таъминлаш департаментидаги коррупция ва нотўғри бошқарув ҳақида сўз боради.Департамент ...
18 январ 2017
Турк матбуотига кўра Машариповнинг Ўзбекистон ватандоши эканлигини расмий Тошкент тасдиқлаган. Ўзбекистон тарафига кўра, Машарипов қидирувда бўлган. Турк полициясига кўра, ...
18 апрел 2017
Даврий нашрларга обуна ихтиёрий экани айтиб келинадиган Ўзбекистонда чиқадиган газеталардаги мақолалардан аслида бунинг акси экани кўринади. Айни муаммо Жиззах ...
Блоглар
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...
11 январ 2024
Қирғизистон парламенти кеча, яъни 10 январда кўпчилик овоз билан депутат Эмил Жамғирчиевни жиноий жавобгарликка тортишга ...