Cатира
12 феврал 2018

Учинчи хотинини калтаклаб кўчага ҳайдаган имом ноиби Аброр Мухтор Али ишдан бўшатилди

Тошкентдаги «Минор» масжиди имоми ноиби 42 ёшли Аброр Мухтор Алига 10 февраль куни ишдан бўшаш учун ариза ëздирилди. «Элтуз» мухбири билан суҳбатда Аброр Мухтор Алининг учинчи хотини 21 ёшли Саодатхон Аъзамхўжаева калтакланиб 8 ойлик ҳомила билан кўчага ҳайдалганидан кейин «Минор» масжиди имом хатиби Анвар қори Турсуновга шикоят қилгани ортидан эри ишдан бўшатилганини айтади.

Аброр Мухтор Али ариза ëзган, бироқ ҳали ноибликдан бўшаш ҳақида буйруқ чиқмаган. Лекин «Минор» масжиди ўз сайтидаги ноиблар рўйхатидан унинг номини ўчирган.
Аъзамхўжаеванинг адвокати номидан милицияга ариза

Аъзамхўжаева «Минор» масжиди имом хатиби Анвар Турсунов ва эри Аброр Мухтор Али иштирокидаги суҳбати аудиосини ҳам фэйсбук саҳифасига жойлаштирди. Аудиода Аъзамхўжаева эрининг калтаклагани, «зино қилдинг, пул ўғирладинг», деб туҳмат қилганидан арз қилади. Аудиода Анвар қори Турсуновнинг “ноибликдан бўшаш учун ариза ëз!” деган гапи эшитилади.

Бундан сал аввал Аброр Мухтор Али хотини билан суҳбатда «ундан маълумот олиш учун унинг хиёнати ҳақида ёлғон гапиргани»га иқрор бўлади.

Саодатхон Аъзамхўжаева «Элтуз» билан суҳбатда ўтган йили Аброр Мухтор Али билан динни ўрганиш мақсадида ижтимоий тармоқда танишганини айтади. Аъзамхўжаевага кўра, Аброр Мухтор Али “уни ўраб, уйланишни таклиф қилган”. Бугунги кунда аёл 8 ойлик ҳомиласи билан кўчада қолган. Унинг сўзларига кўра, ота-онаси аввалига бу никоҳга қарши бўлишган, гапига кирмаганидан кейин уни «оқ қилишган».

«Каптива»да ўқилган никоҳ

2017 йилнинг 30 январь куни «Каптива» машинасида Саодатхон Аъзамхўжаевага 42 яшар Аброр Мухтор Алининг учинчи хотини сифатида шаръий никоҳ ўқилди. Аъзамхўжаеванинг «Элтуз» мухбирига айтишича, никоҳда таниқли спорт шарҳловчиси ва диний воиз, Ўзбекистон МТРК қошидаги «Маданият ва маърифат» телеканали бош муҳаррири Хайрулла Ҳамидов гувоҳ сифатида машинада ўтирган.

Аброр Мухтор Алининг бир муддат Мирзо Улуғбек тумани ИИББ террорга қарши кураш бўлими томонидан ҳибсга олингани, озроқ муддат ўтириб чиққанидан кейин озод этилгани маълум.

Ўзбекистондаги расмий дин вакилларини яқиндан билувчи ўзбек фаоли Камолиддин Йўлдошга кўра, Аброр Мухтор Али терговлардан кейин шайх Муҳаммад Содиқ Муҳаммад Юсуф хизматига «тайинланган».

«Ўзбекистоннинг ичкарисидагилар учун Нақшбандия мазҳабидамиз, ташқаридагилар учун эса Ҳанафий мазҳабидамиз, деган имиж яратиб олган расмий муллалардан бири.

Аслида расмий муллаларнинг деярли ҳаммаси тариқатчи, сабаби МХХ бошқаларга минбар бермайди«, дея изоҳлайди ўзбекистонлик имомнинг ижтимоий тармоқдаги фаоллигини Камолиддин Йўлдош.

Саодат Аъзамхўжаеванинг фейсбукка қўйган расми

Калтак ва муштлашдан иборат “исломий терапия”

Никоҳ ўқилгандан кейин Аброр Мухтор Али келинни ўз мухлисларидан бири бўлган қўшиқчининг бўш уйига жойлаштириб қўяди. Аъзамхўжаеванинг «Элтуз»га айтишича, эри Аброр Мухтор Али уни “жоҳилиятдан қутқариш учун” калтаклаб бошлайди. Саодатхон Аъзамхжўхаева бу калтакларга чидолмасдан Миробод тумани ИИББга шикоят билан мурожаат қилади. Кейинчалик “оилани сақлаб қолиш андишасида” аризани қайтариб олади.

Тармоқдаги фарëд

Саодатхон Аъзамхўжаева калтакланиб, қорнида саккиз ойлик ҳомиласи билан кўчага ҳайдалгани ортидан дардини ижтимоий тармоқларда достон қилди. Унинг видеомурожаати (ҳозир видео ўчириб ташланган) юз минглаб тармоқ юзерларини икки лагерга бўлди. Шарҳловчилар орасида Саодатхонни қоралаганлар ва Аброр Мухтор Алини оқлаганлар ҳам бўлди. Тармоқ фаоли Дилобар Эркинзода «Элтуз» билан суҳбатда бу муҳораба кўламидан гапирди:

Дилобар Эркинзода
Швециядаги ўзбек фаоли

«Бу аёл шунча хўрликдан кейин ҳам муаммони тинчлик билан ҳал этишга ҳаракат қилган экан. Барчаси бесамар бўлган, А.М. (Аброр Мухтор Али) ўз мақомидан фойдаланиб, бу аёлнинг ҳақ-ҳуқуқларини бузиб келган. Шундан кейин Саодатхон Аъзамхўжаева саҳифасида оммага мурожаат қилишга мажбур бўлди.

Аёлни гўёки хиёнатда айблаб, жонли мулоқот ўтказган А.М. бир неча соатдан сўнг видеосини шахсан ўчириб ташлади. Чунки у содир этган жиноятларини ўз оғзи билан тасдиқлаб турганди.

Ўзбекистон Жиноят кодексида кўпхотинлилик учун жазо белгиланган, – бу бир!

Иккинчидан, зўровонлик ишлатиш, яъни калтаклаш учун ҳам жиноий жавобгарлик бор!

Бундан ташқари, туҳмат ва ҳақорат моддалари ҳам бор. А.М.нинг Саодатхонга нисбатан қилган ҳаракатларида жиноят аломатлари бор деб ҳисоблайман! Қонун ҳамма учун баробар! Динни ниқоб қилиб, аёлларни хўрлаш на диний ва на дунёвий қонун-қоидага тўғри келади.

Аброр Мухтор Али ўз ҳаракатларини оқлаб, жонли эфирда: «У (Саодат) менга ўзи келиб ёрдам сўради, руҳий ҳолати оғир аҳволда эканлигини, ўзини ўлдириш билан қўрқитди», дея баёнот берди.

Шу ўринда савол туғилади. Руҳий ҳолати носоғлом аёлни кўрганда қаерга мурожаат қилишни маслаҳат бериш керак? Ёки олиб бориш керак? Табиийки, психолог ёки психиатрга!

Дуч келган аёл ўзини ўлдираман деганда, уйланиб олаверишса «жиннихона»нинг нима кераги бор унда?»

Рассом Кирпи
Eltuz.com

Тағин ўқинг
3 май 2018
Давлат тўнтаришида айбланаётган журналист Бобомурод Абдуллаевга 2 май куни прокурор 5 йил қамоқ жазосини, қолган уч айбланувчига эса суд ...
14 феврал 2018
Миллий хавфсизлик хизматининг Тошкент марказий сайилгоҳида жойлашган бош қароргоҳи бошқа жойга кўчирилаётгани ҳақида «Элтуз»га маълумотлар етиб келди. У ерга ...
28 октябр 2015
Суткалаб свет ёнмайдиган, газ ўтказилган ҳолатда, газни трубасидан ҳаво ҳам кемайдиган қишлоқда, движок ёқиб ўтирганизда, хаёлингизни бўлиб, телевизордан ёнаётган ...
3 декабр 2015
Туркиянинг Анадўли агентлиги тарқатган ҳабарга кўра 2 декабр куни Ўзбекистон мухолифати лидери Муҳамад Солиҳнинг Истанбулдаги ховлисига икки шубҳали киши ...
Блоглар
20 июн 2018
Айрим нашрлар марҳум президентнинг коррупционер қизи Гулнора Каримованинг Швейцария банкларида музлатилган пулларни Ўзбекистон ҳукуматига қайтариш ...
18 июн 2018
Ўзбекистон кучишлатар тизимлари делегацияси 4-8 июнь кунлари Пекинда махсус семинарда қатнашди. Хитой пойтахтида “Пул ва ...
15 июн 2018
Лас Вегас гуноҳлар шаҳри. Аҳолиси ярим миллион, даромади казино ва қимордан келадиган бу шаҳарда бир ...