Cатира
14 феврал 2016

«Эксперт гуруҳи» 26 ёзувчи устига чизиқ тортди

Ёзувчилар уюшмаси эксперт гуруҳи қарори билан, «президент кўрсатмасига амал қилмаганлари», “мамлакатда кечаётган улуғвор ишларга дахлдорлигини ҳис этмаганлари учун” ҳайдалганлар орасида ўзбек халқининг энг кучли қалам соҳиблари бор.

«Қулоққа хунук эшитилар экан. 37-йилларда машҳур «Учлик» бўларди: ким яшайди, ким отилади, ким Сибирга сургун қилинади, ким умрбод қамоқ жазосига ҳукм этилади – ўша уч киши ҳал этарди! Энг даҳшатлиси – бу уч кишини биров билмасди!», – дея изохлайди «Эксперт гуруҳи» қарорини ёзувчи Нуриллоҳ Муҳаммад. Унинг сўзларига кўра, бу «ҳукм»га имзо чекканлар, аммо «Уюшма» деган мажҳул номнинг орқасига яшириниб, тарқатилган ҳужжатга отларини ҳам қўйишмаган. «Элимизнинг катта шоири Муҳаммад Солиҳни мухолифат лидери ўлароқ аъзоликдан ҳайдадик деса, унда қолганлар-чи? Сулаймон Раҳмон, Гулчеҳра Нуруллаева, Мамадали Маҳмуд, Ёдгор Обид… булар камида 70 ёшнинг нари-берисидаги ижодкорлар. Хуршид Даврон улардан бир оз ёшроқ, аммо у Ўзбекистон халқ шоири… Дейлик, Мамадали Маҳмуд 17 йил қамоқда ётди, ўшанда ўчирмай, энди уч йилдан бери озодликда яшай бошлаганида ўчиришди. Мантиқларини тушуниб бўлмайди. Сулаймон Раҳмон ўтган йили шу пайтлари инсулт бўлиб яқин олти ой бир жойда ётиб қолди. Орада унга қараб ўтирган аёли оламдан ўтди. Энди тетапоя юра бошлаганида… бунинг устига кекса ёшида… Уюшма уюшма бўлиб аъзосидан бир марта хабар олиш ўрнига, қилган ишини қаранг! Яқиндагина «Одамларда қолдир виждонни» деган сайланма китоби нашрдан чиққан, унда Сулаймон ака халқимизнинг улуғ шоири эканини исботлаган эди! Мана сизга уюшманинг «ташаккурнома»си! Лекин одамга таскин берадиган нуқта – «ўчирилган» бу ижодкорларнинг обрўйи ҳам, истеъдоди ҳам «Ўчирувчилар уюшмаси»га аъзолик билан ўлчанмайди», дея ҳасрат билан изоҳ қолдиради Нуриллоҳ Муҳаммад.

Таниқли фотожурналист Умида Аҳмедова эса Ўзбекистондаги зиёлиларнинг бугунги аҳволини Шимолий Корея билан тенглаштиради. «Менинг ижодий ишларимни «туҳмат» деб судлашганда, бутун дунë бонг урган эди… фақат Ўзбекистонда эмас… Чунки биз Шимолий Кореядан ҳеч фарқимиз йўқ!!! «Афсус, лекин бу факт!», дейди у ижтимоий тармоқда қолдирган изоҳида.

Рассом Туз,
Eltuz.com

Тағин ўқинг
28 ноябр 2016
Бош вазир ўринбосари Рустам Азимовнинг телеграммасида “Пластик картани тўлов учун қабул қилишдан бош тортган” ва “Пластик карта орқали ҳисоб-китоб ...
28 ноябр 2015
Умида Аҳмедова Eltuz.com Тошкентда “Осиё рамзи” рахбарияти остида «Модалар ҳафтаси»ни тиклашди, кўрсангиз ғирт “а ля биз ҳам бормиз” усулида. ...
8 май 2016
Ўзбек нашрларида чоп этилган ушбу экспресс-сўров натижаларига кўра, «Ўзбекистон аҳолиси ШҲТ давлат раҳбарлари кенгашининг юбилей саммити мамлакатимиз пойтахтида ўтказилаётгани ...
21 июл 2017
Жорий йил бошида Туркиядаги Reina тунги клубига ҳужум қилиб 39 кишини ўлдирган Абдуқодир Машариповга кўмак берганликда гумонланган 42 ёш, ...
Блоглар
19 октябр 2018
Муҳаммад Бекжон эсдаликларидан иборат биринчи китобнинг сўнгги қисми 1999 йил 16 феврал портлашлари ёритилган мақолаларга ...
19 октябр 2018
Россиянинг Ўзбекистонда АЭС қуриш ғояси ўзбек жамоатчилигининг жиддий хавотирларига сабаб бўлмоқда. «Элтуз» нашри «Кўзқараш» рукни ...
17 октябр 2018
Москванинг Якиманка туманидаги хиёбонга ўрнатилган, 16 октябрь куни очилиши кутилган Ислом Каримов ҳайкали эртаси куни ...