Таҳлил
14 май 2018

Озод этилиши талаб этилган сўнгги фаол қамоқдан чиқди

Ўзбекистонда «Мардикорлар касаба уюшмаси»ни тузгани учун 10 йилу 8 ойга озодликдан маҳрум этилган Фахриддин Тиллаев 12 май куни озод этилди.

Келаси куни у Тошкентда халқаро ташкилот вакиллари билан учрашувида судгача тергов пайтида унга нисбатан қўлланган қийноқлар ҳақида гапириб берди.

Жамоатчилик фаолларининг озод қилинган маҳкум билан учрашуви

«Менинг тирноқлари орасига игналар санчишди. Совуқ ҳавода ташқарига чиқариб, қип яланғоч қилиб, устимдан совуқ сувлар қуйишди. Баданларимга электр ток қўллашди. Оёқларимнинг остига трослар билан уришди», деди Тиллаев.

Шунингдек, у диний ва сиёсий маҳкумларга нисбатан зоналарда махсус «тинчлантирувчи куйлак» кийдиришлари ҳақида гапирди:

«Тергов ҳибсхонасида мен ўз кўзим билан кўрганман, наманганлик Баҳриддиновни ўша «рубашка»ни кийдириб қийнашган».

У яна 47-зона изоляторида кўрган вакуум қийноқ камераси ҳақида ҳам гапириб берди.

«Маҳкумни кислород бермай қийнаш учун мўлжалланган махсус кичкина камера. Аслида бундай жазо 41-йилларда уруш пайтида ўйлаб топилган экан. Мен ўша камерада бир соат ўтириб, ҳушимдан кетганман», дейди собиқ маҳкум фаоллар билан суҳбатида.

Ўз фаолияти учун «одам савдоси»да айбланиб, 2014 йилнинг январида ҳибсга олинган Нуриддин Жуманиёзов 9 йилга, Фахриддин Тиллаев эса 10 йилу 8 ойга ҳукм қилинганди.

Нуриддин Жуманиёзов 2016 йилнинг 31 декабр куни 68 ёшида турмада вафот этган эди.

Фахриддин Тиллаев қамалишидан олдин Нуриддин Жуманиёзов билан биргаликда “Ўзбекистон мардикорлари касаба уюшмаси”ни ташкил қилиб, мардикорлар ҳуқуқларини ҳимоя қилиш билан шуғулланиб келган.

Ҳуқуқ ҳимоячиси Умида Ниёзова «Элтуз» билан суҳбатида Фахриддин Тиллаев халқаро жамоатчилик талаби билан озод этилган сўнгги фаол эканини айтади:

«Ҳозирги пайтда Ўзбекистон қамоқларида ҳуқуқ ҳимоячилари ёки журналистлар қолгани йўқ. Кўплаб уйдирилган ва сиёсий дастакланган ишларнинг фигурантлари эса ҳануз ҳибсда қолмоқда. Масалан, 2017 йилнинг декабрида давлатга хиёнат қилишда айбланган тарихчи Андрей Кубатин қамоқда. Бироқ айнан журналистлар ва ҳуқуқ ҳимоячиларидан қамоқда ҳеч ким қолгани йўқ. Албатта, Ўзбекистонда эркинлик ва демократия тантанаси ҳақида гапиришга ҳали эрта, аммо ҳар ҳолда мамлакатнинг яхши томонга ўзгараётганидан умид бор».

Eltuz.com

Тағин ўқинг
11 март 2016
7 ва 8 март кунлари жахоннинг кўзга кўринган пахта саноати корхоналари вакиллари, олимлар, сиёсатчилар, таниқли хуқуқбонлар ва журналистлар иштирокида ...
28 феврал 2018
Ўзбекистон Миллий хавфсизлик хизмати раисининг собиқ ўринбосари Шуҳрат Ғуломов буйруғига кўра, қамоқхоналарда сақланган баъзи сиёсий ва диний маҳкумларни “ликвидация ...
11 сентябр 2017
Ўзбекистон президенти Шавкат Мирзиёевнинг халқни товуқбоқар қилиш ташаббуси олға сурилганига ҳам бир жўжанинг тухум қилиш ёшига етишидан кўра кўпроқ ...
22 март 2016
Газетада ёзилишича, цех бошлиғи нашриётнинг рангли принтерида 30 та юз долларлик купюра тайёрлаган. Сохта валютани ўтказиш учун ўзига иккита ...
Блоглар
21 сентябр 2018
Алишер Навоий номидаги Ўзбекистон миллий кутубхонаси маъмурияти Рауф Парфининг 25 сентябрга мўлжалланган юбилейини тўхтатиш ортидан ...
19 сентябр 2018
Жорий йилнинг ўтган саккиз ойида Ўзбекистоннинг ташқи савдоайланмасида импорт суръатининг ўсиши экспортникидан қарийб етти баробардан ...
19 сентябр 2018
«Йигирма иккита маҳкум ва яна шунча войсковой бирданига изо­лятор томон чопа бошлайдилар. Войсковойлар йўл бўйи ...