Асосий мавзулар
16 июн 2016

Мажбурий сотилаётган мустақиллик шиори

Фарғона вилоятнинг таълим муассасалари директорлари иккитадан олиши керак бўлган “Гўзал ва бетакроримсан, муқаддас Ватаним, жоним сенга фидо, Ўзбекистоним!” шиорининг ҳар бири 90 минг сўмдан.

Шу йилнинг 2 июнида чиққан Ўзбекистон Президентининг “Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни ўтказиш тўғрисида”ги қарорида айни шу шиор байрамнинг асосий ғояси бўлиши кераклиги айтилган эди.

“Районо рахбарлари қайсидир босмахона билан шартнома тузган бўлса керак”, – деди Eltuz.comга исми сир қолишини сўраган риштонлик мактаб директори.

Унинг билдиришича, туманда 64 та мактаб бор. Яна боғчалар, мусиқа ва санъат, спорт мактаблари, “Баркамол авлод” болалар маркази каби Районо тасарруфидаги “Баркамол авлод” болалар маркази каби муассасалар мавжуд.

“Уларнинг ҳар бири камида иккитадан шу шиор битилган баннерни олиши шарт ва зарур. Бу шиор муассасанинг энг кўринарли жойига осиб қўйилиши керак” – дейди директор.

Унинг фикрича, Районо раҳбарлари шиорнинг сотилишидан манфаатдор. Бўлмаса ҳар бир мактаб директорининг қўлига иккитадан мажбуран тутқазвормаган бўларди.

Районо раҳбарлари билан боғланганимизда, ҳақиқатдан ҳам баннерлар сотилаётганлигини айтишди. Бироқ, улар ҳам “юқори”нинг топшириғини бажараётган экан.

Бугунгача Ўзбекистондаги мактаб, боғча ва бошқа тарбия муассасаларида ўлпонлар шусиз ҳам етарли эди.

Мактаб таъмири, темир-терсак, макулатура, келиб-кетадиган текширувчилар, чопиққа бормаслик, ипак қурти боқмаслик учун йиғиладиган йиғимлар устига, яна мустақиллик байрами арафасида “Шиор пули” ҳам қўшиладиган бўлди.

Насима Даврон қизи
Eltuz.com

Тағин ўқинг
22 ноябр 2018
Cамарқандда 22 ноябрь куни Инсон ҳуқуқлари умумжаҳон декларациясига бағишланган Осиё форуми инсон ҳақларидан кўз юмилиши фонида кечмоқда. Парадокс шундаки, ...
19 октябр 2017
Франциянинг Mediapart интернет нашри томонидан қўлга киритилган ва European Investigative Collaborations (EIC) консорциумидаги ҳамкасбларига тақдим этилган махфий маълумотлар Ўзбекистоннинг ...
24 апрел 2019
Адлия вазирлигининг ўз телеграм канали орқали йиғилишлар, митинглар, кўча юришлари ёки намойишлар уюштириш ёхуд ўтказиш тартибини бузиш жавобгарликка тортилишга ...
10 июл 2019
Муҳаммад Солиҳ шоир ва сиёсатчи. 1949 йил 20 декабрда Хоразмнинг Урганч туманида дунёга келган. Тошкент давлат университетининг журналистика факультети ...
Блоглар
14 сентябр 2020
Бир танишим бор эди. Ҳозир ўтиб кетган. Икки-уч йилда чорраҳа ёки метро вагонида тўқнаш келиб ...
11 сентябр 2020
“Биз томонларгаям коронавирус инфекция етиб келди. Қишлахта ўн бешта одамда ўша касаллик бор экан”,- деди ...
7 сентябр 2020
Бизда бугундан совуқроқ кузак шамоли бошланди. Мен каби совуққа юпқа одамлар енги узун кўйлак кийиб ...