Асосий мавзулар
17 январ 2017

39 кишини ўлдирганликда гумон қилинган Машарипов ушланди

17 январга ўтар кечаси Машарипов билан бирга қирғиз миллатига мансуб бир эркак ва уч аëл ҳам қўлга олинган.

Шу билан бирга Истанбулдаги Марказий Осиëдан келган салафийлар яшайдиган ҳужраларда рейдлар давом этмоқда.

Туркия матбуотига кўра, террорчиниг ëнида 4 яшар ўғли ҳам бўлган. Гумон қилинувчилар Ватан кўчасидаги Истанбул Амният мудирлигига келтирилган.

Ўта сир тутилган амалиëт Истанбул Амният мудирлиги Террорга қарши кураш ва истихборат шўъбаси тарафидан амалга оширилди.

Молтепадаги рейд пайтида қўлга олинган аёллардан бири

Матбуот ҳабарларига кўра террорчи яшаëтан уйига бирдан босқин уюштирилган ва Машариповнинг қўл-оëғи кишанланган.

Қўлига кишан солинаëтган пайтда Машарипов зобитларга ташланган.

Баъзи маълумотларга кўра, қўлига кишан солинган Машарипов амният зобитлари тарафидан калтакланган.

Машарипов турк матбуотида ўзбекистонлик ëки таги ўзбек деган тарзда тақдим қилинмоқда.

Машариповнинг Ўзбекистон ватандоши эканлиги ҳақида аниқлама йўқ.

Унинг хотини ва бир ярим яшар қизи Истанбулнинг Молтепа мавзесида салафий ўзбеклар яшайдиган маҳаллалардан бирида 12 январь куни ўтказилган рейд чоғида қўлга олинган эди.

Айни рейддан сал аввал Машарипов 4 яшар ўғлини олиб қочиб кетгани ҳам аниқланди.

Турк матбуотида ëзилишича, ИШИДнинг ўзбек ҳужраларидан бирида таълимот олган Машарипов 15 декабр куни Туркиянинг Кўня шаҳридан Истанбулга келган.

Маълум бўлишича қатлиомда қўлланилган қуроллар ИШИДнинг ўзбек хужраси фаоллари тарафидан Истамбулга келтирилган.

Иддаога кўра айни фаоллар Машариповнинг ҳужум уюштиргани ортидан логистик қўлловни мунтазам амалга оширишган.

ИШИД арчага қарши

ИШИД экстремистик гуруҳи янги йил кечаси Истанбулда 39 киши ўлдирилган тунги клубга ҳужум учун масъулиятни ўз зиммасига олди.

Гуруҳ номидан эълон қилинган баёнотда айтилишича, «халифалик аскари насронийлар бидъат байрамни қутлаётган клубга ҳужумни амалга оширган».

Истанбулдаги Reina тунги клубидаги ҳужумда 39 киши ҳалок бўлган, 69 одам яраланган.

Eltuz.com

Тағин ўқинг
5 ноябр 2018
Бу йилги пахта терими мавсумида Фарғона вилоятида олингани айтилаётган, ижтимоий тармоқда пайдо бўлган фотосуратларда “Пахтага қўли теккан одам – ...
30 май 2017
Республикадаги кўплаб информацион дастурларнинг ёпилиши эвазига ташкил қилинаётган «Ўзбекистон 24» телеканали 27 июндан эфирга чиқади. Бу канал дастурлари Ўзбекистон ...
21 апрел 2021
Самарқанднинг Қорасув массивидан ўтувчи йўл чеккасига “экилган” арча кўчатларини маҳаллий ҳокимлик президент ташрифидан кейин эгаларига қайтарди. “Элтуз”га Самарқандда пластик ...
24 март 2018
Сил (туберкулёз) касаллигига қарши кураш халқаро куни Жаҳон соғлиқни сақлаш ташкилоти ташаббуси билан ҳар йили нишонланадиган эсдалик санадир. Бу ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...