Тошкентда яна бир тарихий деворий асар ўчирилди

Пойтахтнинг Юнусобод тумани ҳокими буйруғи билан 12 июл куни, туманнинг 11-даҳасидаги, 17-уй деворига ишланган мозаика усти оққа бўялди.

Бу деворий асар 1966 йилги Тошкент зилзиласидан сўнг таниқли рассомлар Петр ва Николай Жарскийлар томонидан ишланган эди. Вандализм факти ҳақида «Озодлик» радиоси хабар тарқатди.

Бундан илгари, 25 июнда «Элтуз» нашри Ўзбекистон халқ рассоми Баҳодир Жалоловнинг Қўқон театри деворига ишланган «Ғарб ва Шарқ учрашуви» дея номланган фрескаси Қўқон шаҳри амалдорлари тарафидан бўёқ чаплангани ҳақида ёзган эди.

Бу асар ҳам рассомнинг вайрон қилинган илк асари эмас. Шу йил бошида «Элтуз» нашри айни рассомнинг «Дом кино»даги фрескаси ҳам президент Шавкат Мирзиёевнинг буйруғи билан йўқ қилинганди.

Eltuz.com