Асосий мавзулар
31 май 2021

Фирибгар ўқитувчининг янги хурмача қилиқлари аниқланди

Хоразмнинг Хива туманида бир камбағал бева аёлнинг ўғли номига олинган 30 миллион сўм кредитни ўзлаштиришда бош роллардан бирини ўйнаган ўқитувчининг янги қилиқлари ошкор бўлмоқда. 

“Элтуз”да мазкур кредит иши бўйича эълон қилинган мақолада номи келтирилган ҳуқуқ ва тарбия фанлари ўқитувчиси Бекзод Бобожонов ўзи ишлайдиган 18-мактабнинг 11-синф ўқувчиси бўлган қизга ғайриахлоқий хатти-ҳаракатлар қилгани маълум бўлди. 

Қизнинг бу борада мактаб маъмуриятига 2021 йил февраль ойида ёзган шикоят аризаси, аризанинг мактаб раҳбарияти томонидан муҳокама этилганига оид маълумотлар “Элтуз”да мавжуд. 

Уларга кўра, Бекзод Бобожонов ўқувчи қизнинг телефонини олиб қўйиб, ундаги шахсий СМС хабарлар билан танишган. Кейин шу орқали қизни шантаж қилиб, тўшакка ётишни талаб қилган. Қиз рад жавобини берганидан сўнг бу СМСларни тарқатиб юбориш таҳдидлари янграган. 

Эътиборлиси, муҳокама жараёнида ўқитувчи 2018 йилда ҳам шу ўқувчи қизга тегажоқлик қилгани, бу маълум бўлиб қолгач, мактаб раҳбарияти томонидан огоҳлантирилгани ўртага чиққан.

Маълум бўлишича, ўқитувчининг хатти-ҳаракатларини муҳокама қилган мактаб раҳбарияти унга ҳуқуқий баҳо бериш учун муҳокама қарорини Хива тумани халқ  таълими мудири Холмурод Қодировга тақдим этган. 

Қизиғи, эндиликда мудир Холмурод Қодиров ахлоқсиз ва фирибгар ўқитувчи Бекзод Бобожоновнинг ҳимоячиси экани иддао қилинмоқда.

Бунинг устига, тумандаги мактаблардан бирининг собиқ ўқитувчиси томонидан халқ таълими мудири Холмурод Қодировнинг “коррупцион ҳаракатлари”га баҳо беришни сўраб бош вазир Абдулла Ариповга ёзилган мактуби мавжуд.

Мактубда собиқ ўқитувчи мудирни таниш-билишчилик, маблағларни ноқонуний ўзлаштириш каби жиноятларда айбланган. 

Сўнгги маълумотларга кўра, бева аёлнинг ўғли номига расмийлаштирилиб, сўнг ўзлаштирилган кредит иши бўйича тергов бошланган.   

“Бекзод Бобожонов фирибгарлик қилиб ўзлаштирган пул маблағи бўйича иш терговда эмиш, (бу ишга алоқадор бўлган) маҳалла раиси қутулиб қолган дейишяпти”, деди бу ҳақда “Элтуз”га маълумот тақдим этган манба. 

Эслатиб ўтамиз, “Элтуз” нашрига Хива туманининг “Пирнахос” маҳалласидан мактуб жўнатган Нигора Юсупова ўғлининг номига олиниб, сўнг ўзлаштирилган кредит бўйича арзини ҳеч ким тингламаётгани, бу борадаги тергов ишлари атайин чўзиб келинаётганини айтганди.

Президент Шавкат Мирзиёевдан ёрдам сўрар экан, аёл: “Бу фирибгарларга қонун борми? Илтимос қиламан сизлардан, улардан мени ҳимоя қилиб, ҳақиқатни рўёбга чиқариб беринглар”, деб зорланганди. 

Eltuz.com

Тағин ўқинг
29 май 2020
Жаҳоннинг шодлиги йиғилса бутун, Дўстлар дийдоридан бўлолмас устун. Улуғ демократ шоир Рудакийнинг бу мисрлари кимгадир сийқа туюлар, аммо зинҳор ...
23 ноябр 2023
Янги Ўзбекистонда жамият иккига бўлинган: Бир бири устидан ëзадиганлар ва пул бериб, бировнинг устидан ëздирадиганларга. Истисно ўлароқ, бировнинг устидан ëзадиганлар қамров катта бўлсин дея «блогер ëллаб» ўз ëзмишини тармоққа чиқаришни ҳам истайди. Аммо унинг «муроди ҳосил бўлмаса» найзаси ўтмас блогернинг устидан ҳам ëзишни бошлайди.  Эринмай прокурордан ...
14 сентябр 2017
Ўзбекистонда пахта терими бошланганига бир хафта бўлди, турли мақомдаги мулозимларнинг бу йил пахта теримига ўқитувчиларни жалб қилмаслик ҳақидаги ваъдалари ...
20 октябр 2023
Дунëда энг қиммат нарса – бу одамга бўлган ишонч кредити. Банкдан қарз олмоқчи бўлсангиз сизни текшириб тафтиш қилишади, муаммоли ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...