Стокҳолмда ўзбекистонлик террорчи устидан суд бошланди

13 февралда Стокҳолм шаҳри судида террор жиноятида айбланаётган ўзбекистонлик Раҳмат Оқилов маҳкамаси бошланди.

Ушбу жиноят иши 35 кун, яъни шу йилнинг 9 май ойига қадар кўриб чиқилиши режаланган.

Суднинг биринчи ҳафтасида прокурорнинг нутқи эшитилади.

Иккинчи ҳафтада эса Раҳмат Оқиловнинг ўзи иш бўйича сўроқ қилинади.

Маҳкаманинг асосий қисми 150 кишидан иборат жабрланувчиларга қаратилади.

Раҳмат Оқилов 7 апрель куни Стокҳолм марказида юк машинасини одамлар устига ҳайдаши натижада 4 кишининг ўлими ва 15 кишининг жароҳатланишига сабаб бўлган эди.

«Элтуз» нашри Стокҳолмдаги суд жараёнини кузатишда давом этади.

Eltuz.com