Гулнора ва бошқалар…

Гулнора Каримованинг умумий тартибдаги қамоққа ўтказилиши ва фарзандларининг дунёга шарманда бўлдингиз деб жар солиши мавсум-мавсум бўлиб давом этадиган сериални ёдга соляпти. Ва бош қаҳрамон ҳар сафар ҳайратлантиришдан чарчамаяпти.

Шахсан менга бу воқеалар сюжетнинг мантиқий ривожланиб боришидек кўриняпти.

Аввало, ГКни ўз отаси қамаган. Айнан ГКнинг ўзи қилмишлари туфайли Ўзбекистонни дунёга шарманда қилган. «Телиасонера» можаросидан кейин «келаётган» инвесторлар энди келмай қўярканми?

Иккинчидан, ГК туҳмат билан эмас, ҳақиқатда қилган айби учун жазо ўтаяпти.

Учинчидан, тартибни бузибди, «берухсат кўчага ва тармоққа чиқибди». Демак, бу аёл ўзгармаган, ҳамон ўша саботажчи ва қонунга итоат этмайдиган инсонлигича қолган.

Имон Каримова аллақандай келишув бузилгани ва энди улар ҳам жим турмаслигини айтибди. Кўрайлик, эшитайлик. Агар чиндан ҳам айтишга арзирлик гаплари бўлса, воқеалар ривожи яна қизийди.

Баҳонада биз балки янада қизиқроқ нарсаларни билиб олармиз. Ҳар ҳолда, ҳақиқатларнинг айтилгани дуруст.

Блогер Шаҳнозахон
@shahnozxon

P.S: Шу пайтгача уй қамоғида сақланган Гулнора Каримовани суд 5 март куни суд аёллар колониясига ўтказган эди.