Муштум ва Элтузнинг шиори бирдир

Элтузнинг душман эмас балки дўст эканлигини энг биринчи англаб тушуниб етган илк расмий киши бу Ўзбекистон президенти Шавкат Мирзиëев бўлди. 2017 йил Шавкат Мирзиëев селектор йиғилишида Элтуздаги мақолани тўла ўқиб берди. Бу ҳақда Би Би Си ҳам ëзувди . Давлат раҳбарининг бу эътибори атрофдаги мулозимларга бир сигнал эди. Секин¸ секин бўлса ҳам амалдорлар Элтуз билан мулоқотга кириша борди. “Ўзбекипаксаноат” уюшмаси раиси Баҳром Шарипов Элтуз саволларига расман жавоб қайтарган илк юқори лавозимлии амалдор бўлди. Аммо барибир Каримов замонида уйдирилган «душман образи» Элтузни таъқиб этди. Яқинда Ўзбекистон президенти Берлинга келганида Элтузнинг уч мухбири акредитация олиб ташрифни ëритди. Элтуз «ширин тилли душман» эмас балки «ачитиб гапирадиган дўст» эканлигини раҳбарият тушуниб етганди. Қарс икки қўлдан чиқади. Мана 19 май куни Ўзбекистон журналистика ва оммавий коммуникациялар университети ректори Шерзод Қудратхўжаев Муштум журналининг 100 йиллиги муносабати билан Элтуз саволларига тўла ва атрофлича жавоб берди. Бу янги Ўзбекистоннинг ижобий тарафи. Ким нима деса десин¸ ҳамкорлик «партизан»ликдан яхши. Бугунги суҳбатда 100 ëшини тўйлаëтган Муштум журнали Бош мухаррири Носиржон Тошматов ҳам Элтуз саволларига жавоб берди. Зотан Муштум билан Элтузнинг шиори бир. «Эл оғзига элак тутиб бўлмайди»

Рассом Туз