Cатира
3 май 2019

Кремлпараст сайт Ўзбекистонда рус тилига расмий мақом сўради

Ўзбекистонда Москва расмий нуқтаи назарини тарғиб қилувчи Вести.уз сайти  30 апрель куни 18 нафар маданият арбоби имзоси остидаги рус тили мақомини кўтариш ва расман «миллатлараро мулоқот» тили сифатида эътироф этиш ҳақидаги мурожаатни чоп қилди.

Уни имзолаганлар орасида таниқли Ўзбекистон халқ артистлари  Фарруҳ Зокиров, Бернора Қориева ва халқ рассоми Жавлон Умарбеков ҳам бор. 

Мурожаат муаллифлари рус тилига расмий тил мақоми берилиши ўта муҳим аҳамиятга эгалигини билдиришган.

«Рус тили мақоми масаласи – ечилиши лозим ўта долзарб муаммодирки, мамлакатимиз қонунига зарур ўзгаришларни киритиб, иложи борича тезроқ уни умумдавлат мақоми даражасига кўтариш лозим», дейилади мактубда.

Айни мурожаат ижтимоий медиадаги ўзбек сегментини қўзғотди. Аксарият ғазабланаётганлар рус тилининг шусиз ҳам расмий мақомга эгалигини билдиришмоқда.

«Аксинча, ўзбек тили давлат ҳимоясига муҳтож. Давлат тили тўғрисидаги қонун амалда умуман ишламайди. Ўзбекистонда ўзбек тили мақоми ҳақиқий давлат тили мақомига кўтарилмагунча, Ўзбекистон Россия соясидаги давлат бўлиб қолаверади. Бу стратегик жиҳатдан мамлакат суверенитети учун хавф. Тилни ҳимоя қилиш миллатчилик эмас. Тил – давлат рамзи, суверенитет рамзи. Уни албатта ҳимоя қилиш керак!», дея изоҳ қолдирда фейсбук юзерларидан бири. 

Ўзбекистон ҳали Совет Иттифоқи таркибида бўлган 1989 йилнинг 21 октябрида кўп минг кишилик норозилик намойишлари ортидан  ҳукумат “Давлат тили ҳақида”ги қонун қабул қилган ва ўзбек тилига давлат мақоми берилган эди.

Eltuz.com

Тағин ўқинг
18 август 2020
Ўзбекистон пахта секторини хусусийлаштириш жараёнидаги хатарлар Power Briefs туркумининг Ўзбекистондаги пахта секторини хусусийлаштириш жараёнида асосий роль ажратилган кластерлар тизимига ...
29 январ 2019
Марҳум президент Ислом Каримовнинг суянгани уни салкам пайғамбар ўрнида кўрган ёшлар ва қариялар эди. У бир парча нон учун ...
14 феврал 2020
Азиз ва қадрли кўрарман, яна сиз билан юзма-юз бўлдик. Томошабин деган сўзни қозоқлар кўрарман, дер экан. Ўзбеклар ҳам айтади-ку, ...
19 январ 2016
18 январ куни эрталаб соат 10 да туман хокимлигига чақирилган Ширин Турсиновани ҳокимлик биносида, хоким Ғофур Қаршибоевнинг муовини Фотима ...
Блоглар
23 май 2022
(Таниқли шоир ва сиёсатчи Муҳаммад Солиҳнинг “Императив” китобидан 50-қисм. Аудиокитоб матнини муаллифнинг ўзи ўқиган) «Соф ...
17 май 2022
(Таниқли шоир ва сиёсатчи Муҳаммад Солиҳнинг “Императив” китобидан 49-қисм. Аудиокитоб матнини муаллифнинг ўзи ўқиган. Давоми ...
11 май 2022
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...