Асосий мавзулар
17 феврал 2016

Қандай қилиб машиналик бўлиш мумкин…

Eltuzга мактуб йўллаган жиззахлик талаба 10-15-феврал кунлари Педагогика ва Политехника институтларида якунига етаётган имтиҳонлар жараёни ҳақидаги кузатувларини шундай баён этади. “Қайси бир талаба билан суҳбатлашманг, ўқишдан ва фанларни яхши ўзлаштиришдан умиди сўнгани, ушбу олийгоҳларда билим олиб бўлмаслигини айтади. Нега унда бу олий ўқув юртларида таҳсил олишаётгани ва мақсади ҳақида сўраганимизда, улар фақат бакалавр дипломи ва келажакда шу диплом орқали бирор ишли бўлиш ниятида эканликларини таъкидлашади”.

Талабанинг сўзларига кўра, дипломи йўқлар Россия ёки бошқа чет давлатларда мардикорликка маҳкум бўлиб қолишдан чўчишмоқда. Ўқиб билим олишга умиднинг сўнаётганлигига эса институтларда авж олган порахўрлик сабаб.

“Фақат 20 фоиз ўқитувчилар билимга қараб баҳо қўйиши мумкин, лекин бу умумий вазиятни ўзгартирмайди. Қолган ўқитувчилар маълум миқдор пора эвазига талаба истаган баҳони қўйиб беришади.”

Унинг айтишича, бу йилги битта фандан ўтиш баҳоси 30-50 минг сўм. Демак 10 та фандан имтиҳон топширадиган талаба ўртача 500 минг сўм сарф қилади. “Агар талаба контракт асосида таҳсил олса, унинг аҳволини тасаввур қилиб кўринг! Бир йиллик контракт пули 5 900 000 сўмдан бошланади. Шунингдек, имтиҳонлардан кейин ўқитувчилар янги машинали, уйли бўлиб қолишади”, дея якунлайди мактубини жиззахлик талаба.

Эслатиб ўтамиз, 2015 йили йиллик коррупция даражаси рейтинги бўйича Ўзбекистон 167 давлат ичида 153 ўринни олган, бу собиқ Совет иттифоқи давлатлари орасида энг паст кўрсаткичдир. Коррупция деярли йўқ бўлган энг «тоза» давлатлар: Дания, Финляндия, Щвеция, Голландия ва Норвегиядир. Айни мамлакатларда сўз эркинлиги, сиёсий ва фуқаровий ҳуқуқларни ҳурмат қидиш даражаси ҳам анча юқоридир.

Eltuz.com

Тағин ўқинг
15 феврал 2022
Элтузга 10 феврал куни тасвирга олиб юборилган видеода Қашқадарё вилоятнинг Қамаши тумани Толли қишлоғининг лойли кўчалари акс этган. «Шу ...
19 феврал 2016
Эрталаб соат 9 га белгиланган суд мажлиси, соат 10 да бошлангани эълон қилинди. Судланувчиларнинг ташқарида кутиб турган яқинлари, эшик ...
4 март 2016
Ўтган февраль ойида ҳам Ўзбекистон телеканаллари “эски ашулалари”ни баралла куйлашдан чарчамади. Яъни телеканалларнинг бош мавзулари яна ўша “маънавиятни юксалтириш”, ...
19 июн 2018
Ўзбекистон Давлат хавфсизлик хизмати ўзининг facebokдаги саҳифасида билдиришича, 2014 йили АҚШ ватандошлигини олган асли қашқадарëлик Зокир Алиев АҚШда халқаро ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...