Асосий мавзулар
15 апрел 2017

Ëзувчи Нодир Норматов Тошкентда дафн этилди

15 апрел куни ёзувчи Нодир Норматовни таниқли рассомлар, ижодкорлар сўнгги йўлга кузатишди. Марҳум Тошкентдаги “Яланғоч ота” қабристонида дафн қилинди.

Рассомлар ҳақидаги ўнлаб китоблар муаллифи, санъатшунос, фоторассом Нодир Норматов 14 апрел кечаси 68 ëшида Тошкентда оламдан ўтди.

Сурхондарё вилоятининг Шеробод туманидаги Пошхурд қишлоғида туғилган ëзувчининг 1972 йилда нашр қилган «Кўҳитанг ҳикоялари» деган илк асари китобхонларда қизиқиш уйғотган эди.

Ўзбекистон Ёзувчилари уюшмаси ҳамда Ўзбекистон Бадиий Академияси Бадиий Ижордкорлар уюшмаси аъзоси бўлган Норматов ўзбек рассомлари ижодини санъатдан узоқ бўлган аҳоли орасида тарғибот қилиш билан самарали шуғуллланиб келди.

Совет Ўзбекистони санъати журналида ишлаш асносида ўнлаб ўзбек рассомлари ҳақида мақолалар ëзди.

Норматов тарафидан 2009 йили чоп қилинган «Рўзи Чориевнинг сўнгги васияти» китоби рассомлар дунëси билан авом ўртасида кўприк бўлган публицистика ўлароқ баҳоланган эди.

Қўлида фотоаппарати билан Ўзбекистонни кезган Норматов фотокўргазмалар ташкил қилиб мамлакат манзараларига ўз нигоҳи билан одамларни қарата олгани эсланади.

2010-2012 йилларда унинг “Қишлоқ томон йўл”, “Сурхон оҳанглари”, “Ватан сенсан, Ватан мен”, “Эзгулик тимсоллари” каби қатор шахсий кўргазмалари намойиш этилган.

Нодир Норматов 2010 йилда “Меҳнат шуҳрати” ордени билан мукофотланган.

Элтуз ижодий жамоаси марҳумнинг оиласи ва яқинларига таъзия изхор қилади.

Eltuz.com

Тағин ўқинг
7 июл 2016
“Ўзбекистон овози” газетаси Халқ демократик партияси етакчиси, партиянинг парламент қуйи палатасидаги фракцияси раҳбари Ҳотамжон Кетмоновнинг Бўз туманидаги сайловчилар билан ...
19 декабр 2017
Тошкентдаги “Абу Сахий” бозори пештоқидаги ëзув “Тошкент ипак йўли” дея ўзгартирилди. Бу ўзгариш жараëнини Тошкентдаги “Элтуз” мухбири фотосуратга олди. ...
17 март 2016
Бундан 11 йил олдин Остонада ўрнатилган ва Қозоғистонлик талантли ҳайкалтарош Тўлепбой Эрбўлатнинг “Севишганлар” номли тахсинга лойиқ асари муҳофазакор фуқаролар ...
9 август 2016
Давлат тадбирларида тор чалинмаслиги лозимлиги тўғрисида тавсиялар берилганини айтган Озодлик радиосига кўра, Ўзбекистонда тор чалиш бўйича махсус таълим тўхтатилган ...
Блоглар
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат ...