Асосий мавзулар
28 январ 2018

Таниқли ўзбек қўшиқчиси масжидга имом бўлди

Машҳур хонанда 49 яшар Дониёр Тошмуҳаммедов 26 январдан Тошкентнинг Учтепа туманидаги «Истирохат» кўчасида жойлашган, Абдулҳамид Ҳожи масжидида имомлик қила бошлади.

Ўзбекистон Вазирлар маҳкамаси ҳузуридаги Дин ишлари қўмитаси мулозимининг “Элтуз”га билдиришича, Дониёр Тошмуҳаммедов масжид штат рўйҳатида муаззин сифатида қайд қилинган.

Айни пайтда мулозим Тошмуҳаммедовнинг жамоат намозларида имомликка ўтиб туришини тасдиқлади.

Дониёр Тошмуҳаммедов, 90-йилларда «Сени севдим», «Жонон бўламан деб…» «Ферузабону», «Нозанин» кушиклари билан танилган эди.

Хонанданинг мухлисларига кўра у 2002 йили қўшиқ айтишдан воз кечиб, қуръон тиловат қилиб қорилик қила бошлаган.

Шунингдек, «Элтуз» билан суҳбатлашган собиқ махбуснинг билдиришича, Тошмуҳаммедов 90-йилларнинг охирларида у қора рўйҳатга тушган ва бир муддат қамоқда бўлган.

Учтепа масжиди намозхонларидан бири “Элтуз”га, бир вақтлар дунёвий қўшиқлар куйлаган хонанданинг имом бўлишини олқишлашини билдирди:

“Қўшиқ айта оладиган одам агар ҳақиқий овоз эгаси бўлса, Қуръонни ҳам чиройли ўқийди. Унинг имом бўлгани яхши” деди у.

“Тинчлик” масжиди имоми Шермурод Тоғай ҳам “Элтуз” нашрига бу юзадан берган шарҳида хонанданинг қарорини олқишлади

“Нафс устидан ғолиб келиш осонмас, атрофингда турли жононлар, маишатбозлик, кўтар-кўтар, шуҳрат… бундан кечган Дониёр укамизга минг раҳмат!” деди у.

Айни пайтда, диндорлар орасида, хонанданинг диний илмига шубҳа билдирувчилар ҳам бор.

“Масжидга имомлик қилиш учун хушовоз бўлишнинг ўзи камлик қилади, бугунги кунда қуръонни ҳифз қилиб мураттаб қори бўлаётганлар, илмсиз имомлар кўп”, деди “Элтуз”нинг яна бир суҳбатдоши.

Ўтган жумадан бошлаб Тошмуҳаммедов имомлик қила бошлаган Учтепа масжиди 1998 йили “Истироҳат” маҳалласи фаоллари, жумладан Абдулҳамид ҳожи ташаббуси билан барпо этилган эди.

Дониёр Тошмуҳаммедовгача Учтепа масжидига Азимов Жамолиддин имомлик қилган.

Eltuz.com

Тағин ўқинг
14 апрел 2016
“Ҳуқуқ” газетаси ана шундай қўшмачилардан иккитаси қўлга олиниб, одам савдосида айланиб, қонуний жазога тортилганини маълум қилди. Ёзилишича, Бухоро шаҳрилик ...
19 октябр 2017
Франциянинг Mediapart интернет нашри томонидан қўлга киритилган ва European Investigative Collaborations (EIC) консорциумидаги ҳамкасбларига тақдим этилган махфий маълумотлар Ўзбекистоннинг ...
14 апрел 2018
Россия Давлат думаси 13 апрель куни АҚШнинг навбатдаги санкцияларига жавоб лойиҳасини тайёрлади. Interfax хабарига кўра, қонун лойиҳасида АҚШ ширкатларини ...
16 май 2016
Ўзбекистон Бош прокуратураси ходимлари ҳамда Тошкент шаҳрида жойлашган олий ўқув юртлари ўқитувчи-домлалари ўртасидаги учрашувда прокуратура ходимлари ўқитувчиларнинг пора олиб ...
Блоглар
12 август 2020
Бишкекда ҳибсга олинган ўзбек журналисти Бобомурод Абдуллаевнинг онаси Гавҳар Мадаминова 12 август куни Ўзбекистон президенти ...
10 август 2020
Коронавирус кундалиги Қизимнинг қўғирчоғи билан уйда ёлғизмиз. Иккимиз ҳам бир одамчани соғинаяпмиз. Фақат қўғирчоқ йиғлай ...
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...