Document UZ
6 март 2018

Собиқ Бош прокурорнинг ўғли қидирувга берилди

Устидан Жиноят кодексининг 165, 205, 210-моддалари бўйича жиноят иши қўзғатилиб, 22 февралдан бери ҳибсда қолаëтган собиқ Бош прокурор Рашиджон Қодировнинг ўғли 39 ёшли Алишер Қодиров Ўзбекистон ИИВ томонидан қидирувга берилди.

Қидирув эълонида Алишер Қодиров Жиноят кодексининг 165 (товламачилик) ва 168-моддасида (фирибгарлик) кўрсатилган жиноятларни содир этиб қочиб юрганлиги айтилади.

«Элтуз» мухбири билан гаплашган Бош прокуратура расмийлардан бирига кўра, Алишер Қодиров шу кунларда Москва шаҳрида истиқомат қилмоқда. У Бош прокуратура талаби асосида отаси ўғирлаган пуллардан бир қисмини Тошкентдаги «Инфинбанк» воситачилигида Ўзбекистонга қайтарган. Мулозимга кўра, Алишер Қодиров қайтарган сумма 20 миллион доллар атрофида.

«Элтуз» суҳбатлашган прокуратура расмийсига кўра, собиқ прокурор Рашид Қодиров оиласи Ўзбекистондаги яширин бойлардан бўлган. Дунëнинг ўндан ортиқ мамлакатида Рашид Қодиров оиласига тегишли мол-мулк бор.

«Элтуз» Рашид Қодиров мулки деб ишонилган Латвиядаги иккита вилланинг фотосуратини чоп қилган эди.

Шунингдек, Қодировнинг Швейцария, Австрия ва Чехияда кўчмас мулклари мавжуд.

«Элтуз» мухбири Қодировлар оиласига оид уйлар ҳақида маълумот мавжуд бўлган Латвия кўчмас мулк реестрларига доир ҳужжатларни кўрган.

Рашид Қодировнинг қидирувга берилган ўғли Алишер Қодиров ва куëви Темур Каримов жуда катта пул маблағларини ўғирлаганига оид маълумотлар «Элтуз»да мавжуд.

«Элтуз» тасарруфидаги маълумотларга кўра, Тошкент вилояти Зангиота туманида фаолият юритаётган ва бир марталик шприцлар ҳамда бошқа дори-дармонлар ишлаб чиқарадиган “Asia Trade” ширкати муассиси ҳозир қамоқда қолаëтган Рашид Қодировнинг қидирувга берилган ўғли Алишер Қодировдир.

Рашид Қодиров ва унинг ўғли Алишер Қодиров “криминал акахонлар” Ғафур Раҳимов ҳамда Салим Абдувалиев билан ҳам яқин алоқада бўлган.

Расмий хабарга кўра, Қодиров жорий йил 23 февраль куни ҳибсга олинган бўлиб, собиқ Бош прокурор Жиноят кодексининг «товламачилик» (165-моддаси), «ҳокимият ёки мансаб ваколатини суиистеъмол қилиш» (205-модда) ва «пора олиш» (210-модда) моддалари бўйича айбланмоқда.

Eltuz.com

Тағин ўқинг
1 декабр 2015
Акмал Набиев Еltuz.com Яқинда мен ишлайдиган қурилишга полиция ходимлари келиб, ҳужжатларимиз жойида бўлишига қарамай барча ишчиларни полиция бўлимига олиб ...
17 август 2020
Россия ва Беларусь ҳарбий жамоалари “АрМИ-2020” халқаро армия ўйинларининг “Йўл патрули” мусобақаларида иштирок этиш учун Ўзбекистонга келди. Россия Мудофаа ...
21 январ 2016
Сифатсиз хизмат учун тўловлар ошади Sputnik интернет нашри 2016 йил 1 январдан Ўзбекистондаги мобил алоқа операторлари учун солиқ тўловидаги ...
26 сентябр 2018
Тошкент марказидаги аҳоли кўчириб юборилиб қурилаëтган «Тошкент сити»да гўëки таниқли боксчи Майк Тайсон уй сотиб олди, деган реклама ролиги ...
Блоглар
26 август 2022
30 йилдирки саргардонликда, аввал Норвегияда кейин Туркияда яшаётган Муҳаммад Солиҳ янги куллиёти – асарлар тўплами ...
15 август 2022
Таниқли сиёсат арбоби ва шоир Мухаммад Солиҳ суҳбатининг давомида севимли аёли Ойдин хоним билан кечирган ...
10 август 2022
Таниқли сиёсат арбоби ва шоир Мухаммад Солих билан май ойида ўтказилган бу суҳбат бевосита Элтуз ...