Асосий мавзулар
9 сентябр 2020

Туман ҳокими мурожаатчи муаллимани “жинни”га чиқарди

Андижон вилоятининг Избоскан тумани ҳокими Серобиддин Исмоилов туман селекторида уй сўраб жонига теккан бир муаллима аёлни жинни деб ҳақорат қилган ва мактаб директорига аёлни ишдан олишни буюрган. Бу ҳақда йиғилишда бўлган иштирокчилардан бири маълум қилган.

Селектор йиғилишида иштирок этган ўқитувчининг “Элтуз”га айтишича, муаллима арзон уй-жойлар масаласида ёрдам сўраб ҳокимликка 4 йилдан буён мурожаат қилиб келади.

“Ҳокимимиз жуда “нервинний” (асабий). У курашувчан, ҳадеб келаверадиган шикоятчиларни ёмон кўради. Асаблари қўзиб кетади. Айниқса, уй сўраб мурожаат қилганлар унга тўнғиздай кўринади”, дейди манба.

Бу Избоскан ҳокими билан боғлиқ биринчи ҳолат эмас. Ўтган йили Пайтуғ шаҳридан бўлган бир ногирон аёл ҳам ҳокимликка уй сўраб мурожаат қилган.

Мурожаатлари бесамар кетган аёл туманга журналистларни чақириб келган. Ўшанда Серобиддин Исмоилов бу аёлга баҳорда уй қуриб беришни ваъда қилган.

Ваъда бажарилмагач, қайта-қайта бораверган аёлни Исмоилов уятсиз гаплар билан ҳақорат қилиб ҳайдаган. Ҳозир ногирон аёл бузилиб кетай деб турган харобада ижарада яшамоқда.

“Бу ўқитувчи эса аёл 30 йилдан буён мактабда дарс беради. Руҳий хаста бўлса, муаллимлик қилармиди? Ҳақоратга чидолмай йиғлаб юрибди, қўшимчасига ишдан ҳайдалишдан қўрқяпти”, дейди йиғилишда иштирок этган ўқитувчи.

Мустақиллик байрами арафасида Избоскан тумани ҳокими Серобиддин Исмоилов “Шуҳрат” медали билан тақдирланди.

Сўконғич, туманидан мурожаат ва муаммолар аримайдиган Исмоилов қайси “фидокорона” меҳнатлари учун бу медалга лойиқ кўрилгани избосканликларни ажаблантиряпти.

Eltuz.com

Тағин ўқинг
4 август 2018
Эзгулик фаришталари 21 йиллик қамоқдан юпун чиққан маҳкумга кийим элтаëтган бир пайтда СНБ ва МВДдаги ëвузлар собиқ маҳбуснинг кейинги ...
20 апрел 2018
Ўзбекистонда мажбурий меҳнатга қарши кураш кампанияси бошланди. Бу курашни мамлакат президентининг ўзи бошлаб берди. Мамлакатда мажбурий меҳнат йиллар давомида ...
2 феврал 2021
1 февраль куни Ўзбекистон Ташқи ишлар вазирлиги мамлакат ичида туриб фаолият юритадиган польшалик журналист Агнешка Пикулицканинг аккредитация муддатини узайтиришни ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...