Жуковский умрбод қамоққа ҳукм қилинди

Швециянинг Сундсвалл шаҳрида ўтган аппеляция маҳкамасига кўра Обид Қори Назаров жонига қасд қилган тошкентлик ёлланма қотил Юрий Жуковскийга берилган жазо кучайтирилди.

Излари ўзбек режимига бориб тақалувчи сиёсий суиқасд юзасидан 9 феврал куни Швецияда бошланган маҳкама швед жамоатчилиги ва матбуоти диққат марказида бўлди.

Шу ўринда айрим Интернет нашрлар бевосита суд залидан жонли репортажлар олиб борганини айтиш мумкин.
Швед телеканали SVT журналисти маҳкамани ёритаркан, бу иш Лондонда юз берган Литвиненкога қилинган қотилликка паралеллар келтирди.

57 ёшли Обид қори Назаров бундан тўрт йил бурун, 2012 йилнинг февралида Стромсунд шаҳридаги уйи яқинида отиб кетилганди.

Имом тирик қолган, аммо бошидан оғир яралангани боис узоқ вақтдан буён комада қолмоқда.

Умрбод қамоқ жазоси Швецияда олий жазо ҳисобланади.

(Суратда Юрий Жуковский ўз шериги Баходир Пўлатов билан)
Eltuz.com