Asosiy mavzular
9 avgust 2016

Zulfiqor Musoqov: «Vandalizmga chora ko‘rilishi kerak»

8 avgust kuni Eltuz.com cahifasiga o‘z filmi haqidagi maqola yuzasidan izoh qoldirgan rejisser Zulfiqor Musoqov, efirga qaychilab uzatilgan filmi yuzasidan xatiga teleradioshirkatdan hanuz hech qanday javob olmaganini aytdi.

11 iyul kuniyoq Milliy teleradioshirkat raisiga sim qoqqani, mobil telefoni raqami va elektron pochtasiga xat qoldirganini bildirgan Zulfiqor Musoqov, shu paytgacha kimdir javob berar degan umidda bo‘lganini yozadi.

rasm1766
Kinorejisser izohidan skrinshot.

«Qo‘ng‘iroq bo‘lmagach, men ochiq xatni e'lon qildim… Oddiy odamlarning shikoyatiga parvo qilmaslik ayrim katta amaldorlarning odatiga aylangan», deya yozadi taniqli o‘zbek rejisseri Eltuz.com FB cahifasida qoldirgan o‘z izohida.

Eslatib o‘tamiz, O‘zTV tomonidan taniqli kinochi Zulfiqor Musoqovning “Vatan“ filmini qaychilab efirga uzatgani haqida ochiq xat e'lon qilgan, bunda u O‘zbekiston Milliy teleradioshirkati raisi Alisher Jo‘raqulovich Xo‘jaevga e'tirozlarini bildirib, vandalizm sababini so‘ragan edi.

Taniqli kinorejisser o‘z ochiq xatida tsenzuraga uchragan filmini tiriklayin qo‘li va oyog‘i chopilgan bolaga o‘xshatadi.

Musoqovga ko‘ra, 11 iyul kuni O‘z TV orqali namoyish qilingan “Vatan” filmining 8 epizodi kesib tashlangan.

Film namoyishi 2016-chempionat o‘yinlari o‘tgan tunga to‘g‘ri kelgani bois, o‘z tomoshabinlarining yuz minglarga oshganini pisanda qilib, rejisser amaldorlar sukuti, ularning o‘zlarini oqlashga javoblari yo‘qligidan ekaniga ishora qiladi.

«Bu bilan ular birinchidan o‘zlarining mutlaq parvoyi falak ekanlari, jazosiz qolishlariga ishonishlarini namoyish qilishadi, ikkinchidan esa, bezbetlik amalga oshganini e'tirof etishadi», – deydi O‘zTV tsenzurasidan filmiga zarar yetkazilgan o‘zbek kinorejisseri.

O‘zTV raisi bilan shaxsan tanish emasligi, unga nisbatan shaxsiy adovati yo‘qligini bildirarkan, izohi so‘nggida u hamon ro‘y bergan ayni vandalizm, bezorilik, aybdorlariga chora ko‘rilishi, yoki shunchaki filmni yaratuvchilaridan uzr keltirilishiga umidvor ekanini aytadi.

«Eng muhimi o‘zbek kartinalarini yovuzlarcha qaychilash, bundan keyin ro‘y bermaydi, deya umid qilaman» deya yakunlaydi eltuz.com cahifasida qoldirgan izoxini Zulfiqor Musoqov.

Eltuz.com

Tag‘in o‘qing
7 yanvar 2017
Hurriyat va boshqa turk gazetalarining yozishicha qotil “Abu Muhammad Xurosoniy” kod ismi bilan harakat qilgan o‘zbek millatiga mansub Abduqodir ...
24 iyul 2017
«Yashnobod demokratiyasi» aks etgan realiti shouda tuman hokimi Dilmurod Turdiev o‘zidan oldingi mulozimlarga xos bo‘lmagan fazilatni namoyish qildi. «Mahalla» ...
5 yanvar 2016
Elsevar taxallusi bilan ijod qilishni ma'qul ko‘rgan bu rassom yigit 34 yoshda. Buxoroda yashab ijod qiladi. Eltuzning shtatli rassomi ...
16 mart 2020
Assalomu alaykum, hurmatli o‘quvchi!  “Vaqt mashinasi” ruknida e'tiboringizni bugun Turkiston tarixining sovetlar hokimiyati o‘rnatilgan dastlabki davriga qaratamiz. Zotan, ulug‘ ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...