Asosiy mavzular
7 noyabr 2019

Jurnalist Davlatnazar Ro‘zmetov avtoavariyada halok bo‘ldi

Keskin tanqidiy chiqishlari ortidan ta'qibu tazyiqda qolgan 48 yashar taniqli jurnalist Davlatnazar Ro‘zmetov 7 noyabrga o‘tar kechasi avtoavariya oqibatida vafot etdi.

Bosh prokuratura xabariga ko‘ra, 6 noyabr kuni soat 23.55 larda Urganch-Xiva yo‘lini kesib o‘tayotganida S.U. ismli fuqaro o‘zi ishlayotgan korxonasiga tegishli “Gazel” rusumli avtomashinasida Ro‘zmetovni urib yuborgan va u boshidan jarohat olib, voqea joyida joni uzilgan.

Bosh prokuratura xabariga ko‘ra, 6 noyabr kuni soat 23.55 larda Urganch-Xiva yo‘lini kesib o‘tayotganida S.U. ismli fuqaro o‘zi ishlayotgan korxonasiga tegishli “Gazel” rusumli avtomashinasida Ro‘zmetovni urib yuborgan va u boshidan jarohat olib, voqea joyida halok bo‘lgan. O‘limidan bir necha kun oldin Ro‘zmetovga Xorazm viloyati IIBdan chaqiruv qog‘ozi kelgan va unga chiqarayotgan maqolalari yuzasidan ogohlantirish bildirilgan edi

Xorazmdagi “pogonlilar” ta'qibidan qutulish uchun jurnalist Ro‘zmetov joriy yilning 13 oktyabrida To‘rtko‘ldan aylanma yo‘llar orqali Toshkentga kelgan va AQSh elchixonasida qabul qilingan edi.

Jurnalist Toshkentda yurganida Oliy Majlisning faol deputatlaridan biri bo‘lgan Rasul Kusherboev bilan uchrashgandi.

So‘nggi paytlarda “Jamiyat” gazetasida, undan avval esa “Xorazm yoshlari” gazetasida ishlagan Davlatnazar Ro‘zmetov o‘zining tanqidiy chiqishlari bilan tanilgan, “Davlatnazardan xabarlar” telegram kanalini yuritayotgan edi.

Davlatnazar, shuningdek, xorazmlik hamkasblari Mahmud Rajab va Nafosat Olloshukurova taqdiri bilan bog‘liq voqealarni yoritishda ham faol bo‘lgan.

O‘tgan yilning oktyabrida Qo‘shko‘pir tumani hokimligi binosida paxta safarbarligiga bag‘ishlangan majlisni yoritmoqchi bo‘lgan paytida hibsga olingani va kaltaklangani haqida “Eltuz” xabar bergan edi.

Xorazmda jurnalist o‘limini prokuratura tekshirmoqda.

Janoza, jurnalist yaqinlariga ko‘ra, Qo‘shko‘pir tumanidagi Ro‘zmetovlar yashayotgan (“Nazokat” to‘yxonasi orqasidagi) manzilda 7 noyabr kuni soat 15.00 da o‘qilishi belgilangan.

“Eltuz” nashri Davlatnazar Ro‘zmetov yaqinlari, do‘stlari va hamkasblariga ta'ziya bildiradi.

Eltuz.com

Tag‘in o‘qing
15 mart 2016
Anqarada yuz bergan portlash ko‘p qatori mening ham yuragimni ezdi. Turklar va Turkiya uchun kamsitish bo‘lgan yuz yil burungi ...
3 yanvar 2017
Qorasuvlik Yaxyo Mashrabov Bishkekka uchib keldi, uni so‘roq qilgan qirg‘iz rasmiylari Mashrabovning terrorga aloqasi yo‘qligini aytishdi. Qirg‘izistonlik bundan ilgari ...
7 noyabr 2019
Keskin tanqidiy chiqishlari ortidan ta'qibu tazyiqda qolgan 48 yashar taniqli jurnalist Davlatnazar Ro‘zmetov 7 noyabrga o‘tar kechasi avtoavariya oqibatida ...
26 oktyabr 2015
Samarqandning Urgut tumanidagi maktablardan birida esa bolalarini Hayit namoziga olib bormaslik haqida ota-onalardan tilxatlar olingan, talabni buzganlar 15 minimal ...
Bloglar
2 iyul 2020
6-sinfda o‘qirdim, Kampuchiyada davlat to‘ntarishi bo‘lib hukumatga Pol Pot rahbarligidagi “Qizil kxmerlar” kelganini, ular butun ...
25 iyun 2020
​​Xalqaro press-klubda matbuot anjumani bo‘lib o‘tibdi, unda Inson huquqlari bo‘yicha Milliy markaz direktori Akmal Saidov ...
21 iyun 2020
(bo‘lgan voqea) Tarjimon sifatida Rossiyaning militsiya bo‘limlaridan biriga chaqirishgan edi. Bo‘limda jinoyatchi sifatida gumon qilingan ...