UzPoster
27 aprel 2021

26 aprel – xonanda Botir Zokirov tug‘ilgan kun

Botir Zokirov 1936 yil 26 aprel kuni opera tenori Karim Zokirov oilasida tug‘ildi. Toshkentdagi o‘rta maktabni tamomlagach, Toshkent davlat konservatoriyasining vokal fakulteti hamda A.N.Ostrovskiy nomidagi Toshkent teatr va rassomlik san'ati institutining rejissyorlik fakultetida tahsil oldi.

1956 yilda «Yoshlik» musiqiy ansamblini tuzgandan so‘ng el og‘ziga tushadi, taniladi. 1957 yilda Moskvada bo‘lib o‘tgan xalqaro yoshlar va talabalar festivalida u ilk bor «Arab tangosi»ni ijro etadi. Plastinkaga yozib olingan bu qo‘shiq tezda dunyo bo‘ylab tarqadi.

Biroz muddat vaqt o‘tib, uning dovrug‘i SSSR bo‘ylab yoyildi. 60-yillar o‘zbek estradasida Botir Zokirov ijrosida italyan, frantsuz, ispan, rus, yunon tilidagi qo‘shiqlar jaranglay boshlagan. Botir Zokirov 1972 yilda Toshkent shahrida Sharqdagi ilk myuzik-holl tuzib, uni boshqardi. U Sharq folklorini zamonaviy estrada yo‘nalishlari bilan birlashtirdi.

U «Sog‘indi jon», «Xayolimda», «Ra'no», «Yor, kel» kabi o‘nlab qo‘shiqlari tufayli san'at ixlosmandlari qalbidan chuqur joy egalladi. Xonanda 28 yoshida O‘zbekistonda xizmat ko‘rsatgan artist unvoni bilan taqdirlangan. 39 yoshida O‘zbekiston SSR xalq artisti yuksak unvoniga sazovor bo‘lgan. Botir Zokirov turli ijod sohalarida o‘zini sinagan: tasviriy san'at, rejissura, bastakorlik, aktyorlik, yozuvchilikda o‘zini sinab ko‘rgan, hatto she'rlar yozgan.

Botir Zokirov 1982 yili kinoda Robindranat Tagor obrazini gavdalantirgan. 1984 yilda san'atkorda jigar tsirrozi xastaligi aniqlanadi. 1985 yil 23 yanvar kuni Botir Zokirov olamdan o‘tdi. U Chig‘atoy qabristoniga dafn etilgan.

Rassom Shirin Tosheva asari

Eltuz.com

Tag‘in o‘qing
9 iyun 2016
«Adolat ko‘zgusi» gazetasi bugungi O‘zbekiston uchun muhim muammo – qanday shaxslarning xorijga chiqarilishi cheklanishi haqida maqola e'lon qildi. Unda ...
1 iyun 2021
Bugun – 1 iyun sanasida Bolalarni himoya qilish xalqaro kuni munosabati bilan O‘zbekistondagi barcha OAVda materiallar e'lon qilinadi. Ularda ...
6 oktyabr 2020
6 oktyabr tongida Qirg‘izistondagi parlament saylovi natijalaridan norozi qo‘zg‘olonchilar davlat hokimiyati boshqaruv markazi bo‘lgan Oq uyni egallashdi. Ijtimoiy mediada ...
12 avgust 2019
«Tolibon» harakati rahbarining o‘rinbosari Mulla Abdulg‘ani Barodar boshchiligidagi delegatsiya O‘zbekistonda oshig‘ich ehtirom bilan kutib olingani rasmiy Qobul e'tiroziga sabab ...
Bloglar
22 noyabr 2024
Qudratlar ayrilgan tuzum, ya'ni demokratiya avtokratiyadan yaxshidir. Bu gapni aytaverib tilim qavardi. Demokratik jamiyat bo‘lgan ...
28 oktyabr 2024
(Eltuzga telegram orqali kelgan maktub) “Xorazm viloyati Urganch tumanlararo sud raisi Yo.A.Almosov janobi oliylarining bugungi ...
24 oktyabr 2024
Bir odam hammaga yaxshilik qilishga so‘z beribdi. Qo‘shnisi kelib uni otini so‘rab olib minib ketganicha ...