Catira
12 avgust 2019

Camarqand hokimi BMT tarafidan terrorchi deya e'lon qilinganlarga to‘n kiydirdi

«Tolibon» harakati rahbarining o‘rinbosari Mulla Abdulg‘ani Barodar boshchiligidagi delegatsiya O‘zbekistonda oshig‘ich ehtirom bilan kutib olingani rasmiy Qobul e'tiroziga sabab bo‘ldi.

Ko‘pgina xalqaro ro‘yxatlarda terrorchi deya nomi zikr qilinadigan «Tolibon»ning Dohadagi siyosiy qanoti rahbari Mulla Abdulg‘ani Barodarni 8 avgust kuni O‘zbekiston tashqi ishlari vaziri Abdulaziz Komilov aziz mehbon maqomida qabul qildi.

Samarqand hokimi Tolibon harakati rahbariga to‘n kiygazmoqda

Vazirlik xabarida aytilishicha, «Tolibon» harakatining siyosiy ofisi rahbari afg‘onlararo muloqotning navbatdagi raundini Samarqand shahrida o‘tkazish taklifini astoydil qo‘llagan.

9 avgust kuni BMT tarafidan terrorchi deya e'lon qilinganlardan tarkib topgan «Tolibon» delegatsiyasi Samarqand yaqinidagi Imom Buxoriy qabrini ziyorat qildi va o‘sha yerda juma namozini o‘qidi.

«Tolibon» delegatsiyasiga Samarqand viloyati hokimi Erkinjon Turdimov hamrohlik qilgan.

Turdimov afg‘onistonlik jangarilar vakiliga oltin bilan tikilgan to‘n kiydirib, ular sharafiga qo‘y so‘ygan.

O‘zbekistonda «Tolibon» delegatsiyasiga alohida ehtirom ko‘rsatilishi rasmiy Toshkentga Kreml tarafidan berilgan topshiriq ijrosi sifatida talqin qilinmoqda.

«Tolibon» so‘nggi yarim yil ichida Moskvaga ikki bor tashrif buyurib, piligi ko‘tarilgan edi.

Tashriflar Moskvaning Vashington bilan aloqalari o‘ta salbiylashgan davrga to‘g‘ri kelmoqda.

2003 yilda BMT «Tolibon» islom harakatini bir ovozdan terroristik tashkilot deb rasman tan olgan.

Eltuz.com

Tag‘in o‘qing
29 may 2016
Tinchlik va xotirjamlik har qanday ezgu ishlarning debochasi ekanini hech kim inkor etmaydi. Lekin aynan shu ezguliklar ortida aslida ...
19 aprel 2018
O‘zbekistonda ishlab chiqariladigan «Damas» avtomobilining narxi oxirgi uch yilda ikki baravar oshib, 50 mln so‘mga yetgan bo‘lsa-da, hali-hamon ochiq ...
24 noyabr 2016
2016 yilning 11 noyabrida o‘zbek huquq himoyachisining ayoli u bilan turmada uchrashdi. Safar oldidan biz Ozoda Yoqubovadan uning mahkumlikdagi ...
16 yanvar 2022
1992 yilning 16 yanvarida Toshkentning Talabalar shaharchasida stixiyali namoyish Islom Karimov buyrug‘i bilan shafqatsiz bostirilgan edi. Shu kuni men ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...