Yunusobodda Jentra haydovchisi obodonlashtirish xodimini urib yubordi

Eltuz muxbirining yozishicha, dushanba kuni tushlik paytida Toshkentning Yunusobot tumani IIB yonida katta tezlikda Jentra avtomashinasini boshqarib borayotgan shaxs obodonlashtirish xodimasini urib yuborgan.

Natijada taxminan o‘rta yoshlarda bo‘lgan ayolning boshi ikkiga bo‘linib ketgan, dedi marhumani o‘z ko‘zi bilan ko‘rgan Eltuz muxbiri.

«Ayolning boshi ikkiga bo‘linib ketibdi. Yo‘llar qon, rasmini yuborishga ochig‘i yuragim dosh bermadi. Mashina to‘xtamasdan ketvorgan va hozirgacha topilmapti emish. Hamma joy kameraga to‘la davlatda qanaqasiga bitta mashina topilmasligi mumkin?», deya xabar berdi Eltuz muxbiri.

Obodonlashtirish xodimasi kerakli yo‘l belgilarini qo‘yib, yo‘l chetini supuryotgan bo‘lgan.

Shunga qaramay, avtomobilni boshqarayotgan shaxs ayolni belgi bilan birga urib yuborgan.

Halok bo‘lgan ayol va haydovchi haqida Eltuz qo‘shimcha ma'lumotga ega emas.

Eltuz rasmiylar munosabatini kutib qoladi.

Eltuz.com