Samarqandning Berlindagi «ta'mi»

Gazeta. Uz nashri tagi o‘zbekistonlik Ukraina qochqinlari Germaniya boshkenti Berlinda restoran ochdi «mazasi yaxshi» deb yozgani uchun bu yemakxonani qora tortib bordim. «Opel kadet somsa abet» uslubidagi kafe ekan. (Opel kadet o‘rtacha moshina hisoblanadi Yevropada).

10 ballik tizim bo‘yicha baholasam.

1. Lokatsiya. Juda yaxshi joyda joylashgan. Berlinning turist boradigan gastronomik ko‘chasi. 10 bal.

2. Kafe tashqi dizayni 4 bal. (Ëzuvlar yaxshi o‘qilmaydi. Yarq etgan g‘oya yo‘q)

3. Ichki dizayn 5 bal. (Bitta Samarqand aks etgan grafik suvrat bor devorda. Print¸ laminat menyu bilan dizayn tugaydi)

4. Xizmat ko‘rsatish 7 bal (Xushmuomala va chaqqon xodimlar)

5. Narx 7 bal. Bir kishiga 15 yevro atrofida. (ovqatiga yarasha) Faqat naqd pul olishadi. Karta bilan to‘lash imkoni yo‘q. (Bu katta minus)

6. Ovqatlar sifati 2. (Osh sovigan edi. Quyulib qogan mastavaga o‘xshaydi. Somsani jildi paxtali ishtonning charmagi kabi qalin edi. Somsalarni qutilarga solib bir yerlardan keltirishdi. Somsalardan xuddi Sovet payti arzon yog‘da qovirilgan perashkani ta'mi keladi. Montining ham pokrishkasi qalin edi. Mantida ta'mning o‘zi yo‘q edi. Choyni choynakda berishdi bu yaxshi. Lekin sho‘rva ichadigan katta kosa qo‘yishibdi. Ikki xo‘plamay choy muzday bo‘ldi qoldi.

Bu yemakxonanini Pragadagi o‘zbek yemakxonalari bilan solishtirish paxtakor komandasini real Madrid bilan solishtirganday gap. Praga ancha ilgarida. Xullas Gazeta. Uz nashri maqtagan Samarqand ta'mi yo‘q. Umuman ta'mning o‘zi yo‘q. Lekin to‘chka zo‘r bo‘gani uchun «Boy ila Xizmatchi» spektaklidagi Solixboy aytgan kabi «pok pokiza tushirishyapti».
Bu g‘oyaning yagona yaxshi tomoni qandaydir oligarx boyotalar emas balki Ukrainadan qochqin bo‘lib kelgan musofir o‘zbeklar tarafidan ochilgani. Omad tilaymiz.

Rassom Tuz