Ko‘zqarash
9 oktyabr 2017

Farg‘onalik imom: Yo‘rgakdan to kafangacha paxta bizga vojib!

Kuni bilan yomg‘ir tinimsiz yoqqan bo‘lsa-da, Marg‘ilon va Qo‘qon shahridagi temiryo‘l stantsiyasi odamlar bilan gavjum bo‘ldi. Hasharchilar “O‘zbekiston temir yo‘llari” AK tomonidan Qoraqalpog‘istonga olib ketildi.

Barcha tashkilot va korxonalardan ishchilarning soniga qarab besh nafardan 20 nafargacha kishi majburiy ravishda Qoraqalpog‘iston, Jizzax va Sirdaryo viloyatiga paxta yig‘im-terimiga jo‘natilmoqda.

«Gaz idorasida ishlayman, bizdan 18 nafar kishi barchasi erkaklar Qoraqalpog‘istonga ketdi», – dedi byudjet idorasi xodimlaridan biri.

Uning «Eltuz» nashriga bildirishicha, ularga bir oy uchun besh yuz ming so‘m pul berilgan paxtadan qaytishgach yana besh yuz ming so‘m berish va'da qilingan.

«Biz ularni jo‘natish uchun 15 mingdan pul yig‘dik. Hasharchilarga faqat kiyim-kechak olsangizlar bo‘ldi, u yerda issiq ko‘rpa-to‘shak, oziq-ovqat, yo‘l kirani biz beramiz deyishibdi. Yana tergan paxtalarining bir kilosi uchun 1000 so‘mdan berishar ekan» deydi u.

Quva tumani obodonlashtirish bo‘limida ishlovchi yana bir suhbatdosh esa «Eltuz» muxbiriga Jizzax viloyatiga paxta tergani ketishayotganini bildirdi.

«Mana bitta Damas mashinasida olti kishi Jizzax viloyatiga paxta tergani ketyapmiz. U yerda hali ham birinchi terim ekan. O‘zimizning viloyatda uchinchi terim ham boshlandi» dedi u.

Ayni paytda Farg‘ona viloyatida o‘qituvchilardan terim uchun pul yig‘ish va xasharchi topib berish talab qilinmoqda.

«Eltuz» nashri suhbatlashgan farg‘onalik o‘qituvchi, ularning maktabi besh nafar hasharchi topib bergani, ular uchun har bir o‘qituvchidan 40 ming so‘mdan pul yig‘ib olinganligini aytdi.

U shuningdek, hasharchilar maktabda ishlaydigan ayol o‘qituvchilarning turmush o‘rtoqlari ekanligini bildirdi.

Har kuni viloyat televideniesi orqali paxtaga chiqarish bo‘yicha viloyat faollarining chiqishlari, murojaatlari berib borilmoqda.

“Biz tug‘ilganimizdanoq paxta matosidan tayyorlangan yo‘rgakka o‘ralamiz, oy kunimiz yetib vafot etganimizda ham paxta tolasidan bo‘lgan mato bizga kafanlik bo‘ladi. Hurmatli birodarlar shuning uchun paxtani har bir tolasini nobud qilib terib olaylik!” deb murojaat qildi juma kuni efirga chiqqan Farg‘ona viloyati bosh imom xatibi Tursunali Erbo‘taev.

Nasima Davron qizi
Eltuz.com

Tag‘in o‘qing
24 noyabr 2016
«Hurriyat» gazetasida (23.11) gazetasida «Munozara uchun mavzu» rukni ostida «Fan biznesmi yoki ilm?» sarlavhali maqola chop etildi. Maqola O‘zbekiston ...
4 dekabr 2017
O‘zbek qamoqxonasida 21 yil yotgan dissident, qashqadaryolik Murod Jo‘raev 65 yoshida 4 dekabr kuni vafot etdi. «Erk» demokratik partiyasi ...
5 noyabr 2019
«– Eee, Fozilbek, uzr, umuman tanimabman-a, – dedim va yelkasiga qoqib qo‘ydim. Shu payt Fozil birdaniga ingrab yubordi. – Nima bo‘ldi, Fozilbek? Yara bormidi yelkangizda?  ...
27 avgust 2018
O‘zbek jamiyatidagi keskin norozilikka qaramay, GM Uzbekistan kompaniyasi o‘zi ishlab chiqarayotgan avtomobillar narxini oshirganini e'lon qildi. Kompaniya matbuot xizmatining ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...