Catira
10 may 2018

Toshkentda qullikni sog‘inganlar bayrami o‘tdi

Bu yilgi 9 may O‘zbekistonda ko‘p yillardan buyon sobiq sho‘rolar ramzlariga, bugungi Rossiyada urfga kirgan timsollarga eng boy tarzda o‘tdi. Har holda Toshkentda kuzatganlarimiz shundan dalolat berdi.

Mamlakatdagi eng nufuzli davra – prezident ishtirokidagi tadbir ham bunday timsollar bilan to‘lib-toshdi.

Tadbirga tashrif buyurgan mehmonlarga xizmat qiladiganlar urush davri kiyimida hozir bo‘ldi. Kontsertda ham shundaysimon chiqishlar sahnalarni to‘ldirdi.

Shunga monand tarzda rus tilli maktablarda o‘quvchilar sovet askari pilotkalarini boshiga qo‘ndirgan holda urush veteranlarini qutlaganiga guvoh bo‘ldik. Ular mohiyatini tushunmasa-da, georgey tasmasi taqib olganicha mag‘rur yurdilar.

Yo‘llarda esa georgey tasmasi va uning O‘zbekiston bayrog‘isimon qilib yasalgan nusxasi egizaklar kabi kimlarningdir ko‘ksini bezab turgandi.

Toshkent ko‘chalarida bir guruh mototsiklchilar SSSR bayrog‘ini hilpiratgancha, signallarini tinimsiz bibillatib shahar kezdi. Bu motokarvonda O‘zbekistonnikidan SSSRning o‘roq-bolg‘a tasvirli qizil bayrog‘i soni ko‘proq edi.

Ijtimoiy tarmoqlardagi ko‘plab postlarda ham fashizm ustidan buyuk g‘alaba sovet davri sog‘inchi bilan qorishiq bo‘lib ketgani sezildi.

Adolat haqqi, aytish kerakki, faqat O‘zbekiston bayroqlarini hilpiratib o‘tan avtokarvonlar ko‘proq edi.

Sovet davri – O‘zbekiston tarixining bir qismi. Uni esdan chiqarish ajdodlar xotirasi uchun behurmatlik sifatida baholansa ham ajablanmaslik kerak.

Lekin kishini bir jihat o‘ylantiradi. Uzoq yillik chor mustamlakasi, so‘ng sovet tuzumidan qutulgan mamlakatda mustabidning bayrog‘i bemalol hilpirab shahar kezishini qanday tushunish mumkin?

Bu savolga javobni kun bo‘yi o‘yladim. Nihoyat o‘zimcha bir xulosaga keldim. Biz bugun mustaqillik va g‘alabani bir-biriga qorishtirib yuborib, erkinlik qadrini genlarimizga singdira olmabmiz.

Sovet davridagi qulligimiz singib ketgan ongosti tuyg‘ularimiz hali yangilanmabdi. Qolaversa, Rossiyaning keng ko‘lamdagi targ‘ibotlari o‘z ishini qilmoqda.

Xo‘sh, o‘zbeklar fashizm ustidan qozonilgan g‘alabani bayram qilishi kerakmi? Menimcha, ha.

Chunki bu g‘alaba uchun dunyoning ko‘plab xalqlari qatori o‘zbeklar ham jon olib, jon bergan. Yuz minglab millatdoshlarimiz janggohlardan qaytmagan.

O‘shalar haqqi-hurmati, g‘alabani faqat o‘ziniki qilib olishga urinayotganlarning sa'y-harakatlariga javob o‘laroq, bayram qilishga bizning ham haqimiz borligini ko‘rsatish kerak.

Kiyim-kechak, oziq-ovqat, qurol-yarog‘ bilan ta'minlaganimizni, yuz minglab bola-chaqasi, xotin-xalajini beminnat panohimizga olganimizni ularga eslatib turishimiz uchun ham shunday qilishimiz lozim.

Lekin bu bayram qullikni sog‘ingan, mustabidlarni ulug‘laydiganlar emas, balki g‘olibligini xotirasidan chiqarmaydiganlar, o‘z erkinligining qadriga yetadiganlar tantanasi bo‘lmog‘i shart!

Bahodir Sharif
eltuz.com

Tag‘in o‘qing
29 may 2017
Ikki yildan beri Istanbulda yashab kelgan O‘zbekiston vatandoshi Shahnoza. K o‘zi bilan bir uyda istiqomat qiladigan ukasi 24 yashar ...
28 may 2019
Ichki ishlar vazirligi tergov departamenti xorazmlik shoir va jurnalist 56 yashar Mahmud Rajabga nisbatan diniy ekstremizmni targ‘ib qiluvchi materiallar ...
18 sentyabr 2020
Yaxshilik, ezgulik va odamlarga qayishish haqida gapirgim keldi bugun. Ko‘zlarimga xunuk dunyoni ham go‘zal ko‘rsatadigan rangli ko‘zoynak taqqim keldi. ...
20 iyul 2017
13 iyul kuni Izmirning Dikili tumanida qadimiy Rim davriga oid tarixiy asarlarni o‘g‘irlab ketayotganlikda ayblangan O‘zbekiston vatandoshi bo‘lgan N. ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...