Catira
6 mart 2018

To‘yga «g‘o‘daygan boshliq» borsa qamaladi!

«Bosh vazirdan tortib, hokimlargacha to‘y marosimlariga borishi man etiladi», dedi Shavkat Mirziyoev 2 mart kuni ijtimoiy tarmoqda paydo bo‘lgan audiosida.

Mirziyoev, shuningdek, «choyxonalarning yonida davlat mashinasi turganini ko‘rgan kuni» o‘sha amaldorni ishdan olishi va qamashini aytgan.

Prezident Mirziyoevga ko‘ra, to‘y eng ko‘pi 150 kishi uchun beriladi va faqat soat tushki 13 dan 14 gacha o‘tkazilishi mumkin.

«Qariyalar faqat non sindirishga boradi. Yoshlar to‘yga boradi. Shuning hammasini yozib qaror chiqarishga majburman endi», dedi prezident.

Mirziyoev bu gaplarini mamlakatda avj olayotgan korruptsiyani, adolatsizlikni yo‘q qilish uchun aytayotganini bildirdi. Uning fikricha, buning uchun hamma to‘ylar bir xilda o‘tishi, davlat amaldorlari to‘y ham, tug‘ilgan kun ham nishonlamasligi kerak.

«Mening o‘zim ham borganman. Hammamiz g‘o‘dayib borardik, moshinalarga minib, hamma qarab turadi… Bosh prokuratura, balo-blakatura! Bunaqa davr ketdi endi. Faqat oddiy to‘ylar, oddiy odamlar bo‘ladi! Xiyonatning oldini olgan bo‘lamiz bu bilan».

Ijtimoiy tarmoqda prezidentni qo‘llash bilan birga qarshi fikrlar ham yangramoqda. Kanadalik o‘zbek faoli, huquqshunos Dilsora Fozilovaning fikricha, to‘ylar va tug‘ilgan kunlarni qonun chiqarish bilan cheklab bo‘lmaydi.

«Chunki xalq mentaliteti va ijtimoiy axloq o‘n yilliklar va yuz yilliklar davomida shakllangan. Eng muhimi, bu shaxsiy masala, unga qandaydir cheklovlar qo‘yish kulgili», deydi kanadalik huquqshunos.

U yechimi oson bo‘lmagan isrofgarchilik va korruptsiya bilan bog‘liq muammo boshqacha hal qilinishi kerak, degan fikrda.

«Oddiygina to‘y orqali turmush qurgan yoshlarning bundan faxrlanishi to‘g‘risidagi hujjatli filmlar tayyorlash yo‘li bilan ommaga tezroq ta'sir o‘tkazish mumkin. Isrofgarchilikdan tejalgan mablag‘ muhim ishlarga sarf qilinganini ham xalq bilmog‘i zarur. Shunda ham bu uzoq vaqtga mo‘ljallangan reja bo‘lmog‘i kerak», deydi Fozilova.

Avstriyada yashayotgan o‘zbek shoiri Yodgor Obid esa xalq mutlaqo o‘z qadimiy udumlaridan voz kechmaydi, degan fikrda.

«Xalqimiz badanida uloqchilik ruhi bor. Chavandozlik bor. Chavandoz uloq chopib turmasa bo‘lmaydi! To‘ylar ham uloq chopishdek bir gap!…», deya yozadi u.

Prezidentning ayni to‘y yo‘riqnomasini aks ettirgan rassom Tuz «Eltuz» nashriga yangi karikaturasini jo‘natdi.

Rassom Tuz
Eltuz.com

Tag‘in o‘qing
20 aprel 2020
Deputat otasiga ishonib yoki orqamda  «okaxon»larim bor deb karantin tartiblarini  buzayotganlarni umuman ayab o‘tirmaslik kerak. «Samosud» demoqchi emasman, bu ...
8 sentyabr 2018
Stokgolm sudida Telia shirkati va Gulnora Karimova o‘rtasidagi korruptsiya ishini kuzatayotgan SVT telekanali jurnalisti Elin Yonnsson «Eltuz» muxbiri bilan ...
24 noyabr 2016
2016 yilning 11 noyabrida o‘zbek huquq himoyachisining ayoli u bilan turmada uchrashdi. Safar oldidan biz Ozoda Yoqubovadan uning mahkumlikdagi ...
19 aprel 2016
«Ma'naviyat sohasidagi eng jiddiy xavfli tahdid vatansizlik g‘oyasidir. Mafkuraviy kurash arsenalida vatansizlik eng xavfli qurollardan biri hisoblanadi», deb yozdi ...
Bloglar
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...