Asosiy mavzular
10 fevral 2019

Turk seriallariga nafrat negizidagi illyuziya

O‘zbek jamiyatidagi muhofazakor qatlamning turk seriallariga qarshi «jihodi»ning ajablanadigan joyi yo‘q. Aslida bu masalaning ildizi psixologik mavzu. An'anaviy muhofazakorlarning bu ruhiy holati ularning shuuri ostida yashiringan fantaziya va illyuziyaning reallik bilan to‘qnashuvidan kelib chiqadi.

Masalan, Erdo‘g‘on Turkiyasi tasavvurida bir xil hayot tarzidagi an'anaviy jamiyat mavjud. Yoki ular shunday bo‘lishini, shunday ko‘rmoqni orzulaydilar. Lekin real hayot boshqa, turk jamiyatining aksari o‘zini g‘arb madaniyatining ajralmas bir parchasi deb biladi. Hatto dindorlari ham.

Ya'ni Turkiya ko‘p madaniyatli, rangli kosmopolit bir jamiyat. Shuning uchun bu toifaning turk seriallarga qarshiligida asosiy negiz “axloq” emas, balki bu seriallarning manbasi.

Ular xayollarida tasavvur etganlari, ideallashtirilgan islomiy madaniyat o‘chog‘idan kelayotgan axborotni hazm qila olmayaptilar, xolos. Bu «tolibon» kallalar o‘zlari yaratgan illyuziyada yashaydilar, kayflari tarqalgach, har tarafga nafrat sochadilar.

Turkiyada axloq normalari o‘zbeklarnikidan, albatta, farqli. Hatto islomiy, muhofazakor guruhlar orasida ham bizning o‘zbek “ma'naviyatchilar” uchun dahshatli tuyulgan manzaralar normal holat hisoblanadi. Eng muhimi, ijtimoiy-madaniy ma'noda ochiq bir jamiyat hisoblangan Turkiya xalqida samimiyat bor, riyokorlik yo‘q.

Har xil niqob orqasiga yashirinib, “axloq” posbonligi qilishmaydi. Bizdagi an'anaviy, nisbatan yopiq jamiyatlarda esa “usti yaltiroq” bo‘yalgan axloq normalari mavjud. O‘g‘ri ham, buzuq ham boshqasiga, o‘z doirasidan bo‘lmaganlarga ma'naviyat va'zi berishga intiladi. Bu riyokor “madaniyat” posbonlarining oqimga qarshi suzishidan boshqa narsa emas.

Dunyo o‘zgaraveradi, taraqqiyot davom etadi.

Bahodir Fayz
Eltuz.com

Tag‘in o‘qing
9 oktyabr 2019
Tarixga Gorbachyov hurriyati deya kirgan 1985 yildan 1991 yilgacha bo‘lgan davrda o‘zbek jurnalistikasida ko‘tarilish paydo bo‘lgani kuzatildi. Oshkoralik, demokratiya ...
1 may 2015
Bugun olamdan o‘tgan Ro‘zi Nazar aka biz kabi temir parda ortida yashagan turkistonliklarga ta'sir o‘tkazgan yalovbardor edi. U kishi ...
6 dekabr 2021
«Albatta, keragidan ko‘p xato qilganmiz, ulardan juda afsusdaman. Eng katta xatoim sud, jin ursin, mustaqil sud tizimini tuza olmaganimiz ...
29 noyabr 2016
O‘zbekistonning chegara hududlarida aholining ko‘zi qo‘shni mamlakatlar xududiga o‘tgan magistral gaz quvurlariga tushadi. O‘zbekiston gazining aksariyati qo‘shni davlatlardan tashqari, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...