Catira
3 fevral 2020

Gumondorni urib o‘ldirish IIBda tabiiy holatmi?

Qashqadaryo viloyatida 30 yanvar kuni Chiroqchi tumani IIB binosidagi gumondor o‘limi yuzasidan brifing bo‘ldi.

Ichki ishlar vaziri axborot xizmati rahbari Shohruh G‘iyosov o‘g‘irlikda gumon qilingan 32 yashar Yusuf Abdurahmonovning og‘ir qiynoq ostida o‘ldirilgani yuzasidan izoh berib, tergov idoralarida bunday hodisa odatiy narsa ekanini xotirjam ohangda ta'kidladi.

“Ichki ishlar organlari binosida odam o‘lishi yangilik emas. Bu tabiiy holat. Shunday bo‘lib kelgan ilgari ham. Chunki ayrim holatda odam o‘zining joniga qasd qiladi. Stress holatlarga tushadi. Yuqoridagi holatda ham shunday bo‘lgan”, dedi mahalliy blogerlar va jurnalistlar oldida chiqish qilgan IIV rasmiysi.

“Eltuz” nashri 27 yanvar kuni Qashqadaryo viloyati Chiroqchi tumani IIB jinoyat qidiruv bo‘limining besh nafar xodimi gumonlanuvchini so‘roq paytida urib o‘ldirib qo‘ygani haqida xabar bergan edi.

Brifingda ta'kidlanishicha, Chiroqchi tumani IIO FMBning ayrim xodimlariga nisbatan Jinoyat kodeksining 206-moddasi 1-qismi («Mansab vakolati doirasidan chetga chiqish») va boshqa moddalari bilan jinoyat ishi qo‘zg‘atilgan. Gumondorlardan ikki nafariga nisbatan qamoq ehtiyot chorasi qo‘llangan.

Shuningdek, ishga aloqador boshqa xodimlarga nisbatan tergov harakatlari olib borilayotgani ma'lum qilingan.

Eltuz.com

Tag‘in o‘qing
22 iyul 2019
O‘zbekiston hukumati Xalqaro mehnat tashkilotiga O‘zbekistonda majburiy mehnatning taqiqlanganligi haqida ma'lumotni o‘z ichiga olgan 40.000 nusxa varaqa, shiorlar tayyorlash ...
26 mart 2020
Koronavirus nima?  Viruslarning keng tarqalgan oilasini tashkil etuvchi koronaviruslar odam va hayvonlarda kasallik qo‘zg‘atishi isbotlangan xususiyatlarga ega. Qator koronaviruslar ...
5 may 2020
Xalq artisti Yulduz Usmonovaning xatti-harakatlari va ichki ishlar xodimlarini haqoratlagani yuzasidan ma'muriy ishlar bo‘yicha Mirzo Ulug‘bek tumani sudi shug‘ullanmoqda. ...
11 mart 2019
O‘zbekiston matbuot va axborot agentligi bosh direktori o‘rinbosari, 4 farzandning onasi, 35 yashar Nargiza Saidovaning feysbuk yuzeri Hayot Baxtiyoro‘g‘li ...
Bloglar
7 avgust 2020
Qishga tayyorgarlik. Pomidor va qalampirni o‘zim yetishtirib, quritib, ipga o‘tkazib devorga ildim. Ko‘o‘p bonkayam berkitganmiz. ...
5 avgust 2020
Mirziyoev boshqaruvida tashqi siyosatda, bir tomondan, Rossiya va uning geosiyosati bilan bog‘liq munosabatlardagi milliy manfaatlar ...
4 avgust 2020
O‘zbekistonda turli matnlarda, kontekstlarda, hatto rasmiy hujjatlarda ko‘p ishlatiladigan “buyuk ajdod” tushunchasidan voz kechish kerak, ...