Endi hokimlik ham bitiruvchiga «ish topib beradi»

Gazetaning yozishicha, bu yildan boshlab kollej bitiruvchisi bilan to‘rt tomonlama shartnoma tuzish tartibi joriy etilgan. Endi shahar, tuman hokimliklari ham bitiruvchini ishga joylashtirish to‘g‘risidagi shartnoma sub'ektlaridan biri sifatida unga imzo chekadi.

Ilgari «bitiruvchi-kollej-ish beruvchi» tartibida uch tomonlama shartnoma tuzilardi va aslida bitiruvchi ish bilan ta'minlanmasa ham shunday bitta qog‘ozni olib borib, «ish bilan ta'minlangan» bo‘lib qolaverardi. Shu orqali O‘zbekistonda hay-hay demasa kollej bitiruvchilarining hammasi ishli ekani to‘g‘risidagi hisobotlar berilar, lekin unga birov ishonmasdi.

Endi bu yolg‘onga hokimlik ham jo‘r bo‘ladiganga o‘xshaydi. Chunki ish bo‘lmasa, hokimlik bitiruvchini qaerga joylashtiradi? Shartnomadagi imzo ko‘paygani bilan ish joyi ko‘paymayotganini «yuqori»ga qanday aytsin!? Undan ko‘ra hisobot uchun shartnomaga imzo qo‘yilsa, ham bosh tinch, ham «yuqori» xursand!

Eltuz.com