Andijonlik ayol 5 yashar o‘g‘lini urib o‘ldirdi

Izboskan tumanining Jaloliddin Manguberdi mahallasida yashovchi, ikki bolaning onasi Shahnoza V. (ayolning to‘liq ismi «Eltuz»ga ma'lum) 15 oktyabr kuni  5 yashar o‘g‘lini ayovsiz kaltaklagan.

Uyga qamab olinib, uzun tayoq bilan kaltaklangan bolaning tanasi zarbalardan momataloq bo‘lib ketgan. Kaltak azobidan bola dod solib ko‘chaga qarab yugurgan va yiqilib vafot etgan.

Tekshiruvlardan so‘ng ma'lum bo‘lishicha, qochish asnosida bolakayning qo‘rquvdan yuragi yorilib ketgan. Bu voqea kuppa-kunduz kuni bo‘lgan, ammo qo‘ni-qo‘shni, mahalla-ko‘ydagilardan hech kim baqir-chaqirni eshitmaganini aytmoqda.

Qo‘shni ayollardan birining aytishicha, Shahnoza V. o‘ta asabiy bo‘lgan, bolalarini tez-tez kaltaklab turgan. Ma'lumot berishlaricha, ayolning eri Rossiyaga ishlagani ketgan, ayol tirikchilik vajidan qiynalib asabiy bo‘lib qolgan.

Hozirda o‘z bolasining o‘limiga sababchi bo‘lgan ona ustidan tergov harakatlari boshlangan. Bu voqea haqida IIV 17 oktyabr kuni ma'lum qildi.

eltuz.com