Catira
30 iyul 2016

«Ishtoni yo‘q – tizzasi yirtiqqa kulibdi…»

Ijtimoiy tarmoqdagi o‘zbek segmentiga xos illatlardan biri, biror maqolada millat turmushidagi nuqsonlar tanqid qilinayotgan payt, chet ellarda bundan yomonligiga oid, ba'zan mutlaqo asossiz iddaolarning urchishida ko‘zga tashlanadi.

Masalan Latofat Nadirova ismli feysbuk yuzeri Eltuz.com nashri sahifasidagi, paxta terimida mashina terimining yo‘qligi haqidagi maqolaga yozgan izohida ochiqdan ochiq haqoratga o‘tib Iroq, Suriya va Falastinni ayblaydi:

«E sen isqirt jalab qishloq bilan nima ishing bor ? Birovni oilasiga hayotiga burningni suqma ifloslar . Qara nima qildinglar Iroqni ,Suriyani Falastinni….. yosh bolalar ulib ketyapdi (orfografiya saqlangan).

Bu mamlakatlardagi voqealarning O‘zbekistondagi paxta terimiga nima dahli borligiga izoh bermasdan «Paxta terib hech kim o‘lmayapti, lekin senlar tirik odamlarni so‘yayapsanlar» deydi u.

Toshkent propiskasiga oid maqolaga nashrning feysbukdagi sahifasida izohlar qoldirgan Otash Tashkentskiy nikidagi yuzer esa, muammo bir yoqda qolib, tag‘in material mualliflarining kelib chiqishini kovlaydi:

«Sila tinchligimizi ko‘romidigan qora dog‘sila. SILA O‘ZI QATTA JOYLAShKANSILA ???» deya yozg‘iradi u Eltuz tahririyatiga.
«PODIShOXING JOXIL BULSA XAM SADOKATLI BULINGLAR,diyilgan xadista» – deya yozadi Odil Ganiboev niki ostidagi yuzer o‘zbek hukumatitning johilliklarini oqlamoqchi bo‘lib.

«…bizni kuch bilanmas targibot intirnet orkali yengib miyani zaxarlamokchi uzimizi uzbeklar,siz lar uchun yomon bulsa bizlar uchun bu vatan mukadas,iltimos vatanimizga loe otmela, silaga yokmasa bizga aziz vatan bu vatan tomi eski xovlimizi boriga shkur» mavzuni chetga burishda davom etadi Ganiboev.

«Qanday gapirsam shunday yozaman» turkumidagi izohlarda Eltuz mualliflari sha'niga haqoratli so‘kishlar ko‘p uchrashini urg‘ulash lozim. Uyi ta'miri harajatlarini to‘liq hukumat to‘lab bergan Dilshad Abdurahimov ham o‘z izohini uyat so‘kishlar bilan boshlaydi:

«K|…|mmi yepti mashu postti yozgan xammasini duvlatti uzi kibervotti da bir yo tarafini kibervotti no tekinga man aeroport 3 ta turaman polnыy maxallami aylantirip chikishti xichkimga xishtama dimastan kanechna uzbechili bizani buynimizdan olib mamini kil tozala dimasa uzimiza kimiza mashnakkib chiroyli b.b kovotti»

«Men o‘z vatanimni yumuq ko‘zlarim, egik boshim va yopiq og‘zim bilan sevishga o‘rganmadim. Men inson o‘z mamlakatini tushungan taqdirdagina foydasi tegadi deb hisoblayman, so‘qir sevish davri o‘tdi, endi biz vatanga eng avvalo haq so‘z uchun kerakmiz» degan edi XIX asrda yashab o‘tgan rus faylasufi Pyotr Chadaev.

Tanqidiy maqolalardan g‘azablanayotganlar, indamaslik bilan o‘z mamlakatlaridagi korruptsiya, qashshoqlik, qoloqlik illatlariga yo‘l ochib berisharkan, o‘zlarini vatanparvar deya o‘ylashadi.

Eltuz.com nashri ayni mavzuga oid muammoga javob tariqasida rassom Kirpining navbatdagi suratini taqdim qiladi.

«Odam dunyoning allaqaeridagi tizzasi yirtiq haqida emas, o‘z ishtonining yo‘qligi haqida o‘ylagani ko‘proq ma'qul» , deydi rassom.

O‘z muammolari haqida mutlaqo indamaslik, tanqid qilganlarni esa haqoratu bo‘xtonlarga ko‘mish, dushmanlarni chet ellarda yurganlar orasidan izlash, tobora bugungi o‘zbek jamiyati zehniyatining ajralmas qismiga aylanmoqda.

Rassom Kirpi
Eltuz.com

Tag‘in o‘qing
12 may 2016
Shu kunlarda o‘ndan ortiq “O‘zavtosanoat” xodimlari va ustalar zudlik bilan Rossiyaga hizmat safariga jo‘natilgan. GM Uzbekistan zavodidagi muhandisning Eltuz.com ...
26 sentyabr 2017
Shavkat Mirziyoev iqtidorga kelgach, Rossiyalik o‘zbek milliarderlarining mamlakatga kelib biznes boshlayotgani kuzatilmoqda. Alisher Usmonov, Iskandar Mahmudovlar ortidan yana bir ...
6 yanvar 2020
O‘zbekiston “Erk” Demokratik partiyasi lideri Muhammad Solih 1992 yilning 16 yanvarida poytaxtning Talabalar shaharchasida sodir bo‘lib isyon va undan ...
19 sentyabr 2018
Naqadar achchiqki, bolsheviklar inqilobidan buyon toptalib kelingan va endigina qaddini tiklagan jafokash o‘zbek tili tag‘in oyoqosti qilindi va bundan ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...