Britaniya Toshkentda o‘tajak boks musobaqasini boykot qildi

Buyuk Britaniya boks bo‘yicha erkaklar o‘rtasidagi jahon chempionatida Rossiya ishtirok etishidan xavotirlanib, uni boykot qilishga qaror qildi. 

Xalqaro boks assotsiatsiyasi (XBA) O‘zbekistonda bo‘lib o‘tadigan turnirda rossiyalik va belaruslik bokschilarni o‘z mamlakatlari bayroqlari ostida o‘tkazishga ruxsat berdi. 

Bu Xalqaro Olimpiya Qo‘mitasining (XOQ) rossiyalik va belaruslik sportchilar neytral bayroq ostida musobaqalarda qatnashishi mumkinligi haqidagi ko‘rsatmalariga zid keladi. 

Fevral oyida Britaniya ayollari ham jahon chempionatini boykot qilishdi. 

Erkaklar musobaqasi 30 apreldan 14 maygacha bo‘lib o‘tadi. 

Rossiyaning Ukrainaga bostirib kirishi ortidan XOQ sport federatsiyalarini Rossiya va Belorussiyalik sportchilarni musobaqalardan chetlatishga chaqirgan edi. 

Biroq o‘tgan hafta Xalqaro olimpiya qo‘mitasi ushbu mamlakatlar sportchilariga musobaqalarda betaraf bayroq ostida qatnashishni tavsiya qildi. 

@eltuz2022 Sizningcha Rossiya va Belorusiya bokschilari Toshkentda o‘tajak jahon chempionatida ishtirok etishlari kerakmi yoki yo‘q?