UzPoster
20 sentyabr 2018

Rauf Parfi izdoshlari tarmoqda aktsiya boshlashdi

Alisher Navoiy nomidagi O‘zbekiston milliy kutubxonasida 25 sentyabrga rejalangan Rauf Parfining 75 yilligi tadbirining taqiqlanishi ortidan feysbuk ijtimoiy tarmog‘ida shoirning muxlislari #parfimaniya xeshtegi ostida aktsiya boshlashdi.

«25 sentyabr kuni emas, taqiqlangan Rauf Parfi she'riyati bilan uchrashuvni bugun boshlaymiz. Pastdagi audioda ustoz shoir abadiyatdan sizga murojaat qilmoqda», deya yozdi feysbukda shoir Hurshid Davron va postiga Rauf Parfi audioyozuvini ilova qildi.

Shoirning feysbuk tarmog‘ida #parfimaniya xeshtegi ostida qo‘yilayotgan ijodi, kitoblari, hayoti va xotiralariga oid postlar, video, audio, foto va ularga izohlar tarmoqda stixiyali tarzda davom etmoqda…

Omon Aziz (kandakor): So‘nggi so‘zlarim… Rauf Parfini men go‘yo bir maloikday, farishtaday bilardim. Bu juda toza, sokin, sabrli Inson edi».

Pahlavon Sodiq: (jurnalist) «Rauf Parfi rahmatli «Meni Londonga olib boringlar, bir marta Temzaga oyog‘imni solib o‘tirsam bo‘ldi», deb aytardi. Qachon Temzaning yonidan o‘tsam, shu gapi esimga tushadi…Ruhi shod bo‘lsin!»

Muhammad Ismoil (shoir): «Hayotimda Rauf Parfi davri 1981 yil 20 oktyabrda boshlangan… Men o‘sha kunga qadar Rauf Parfini bilmasdim. O‘zini hech ko‘rmagan, biror marta she'rini o‘qimagandim. Talabalar katta qiziqish va entikish bilan kutib olayotganlariga qaraganda, uni tanimaslik, o‘qimaslik kechirilmas hodisa edi».

Shuhrat Bobojon: (rassom): Qanday rasm kerak sizga, degan savolga Rauf Parfining javobi o‘ta aniq bo‘ldi. «Ikkita qalin shisha orasida qurbaqani ezsak. Ezilgan tana va qondan hosil bo‘lgan bu dahshatli tasvirni suratga olsak, ana shu surat kitobimga muqova bo‘la oladi», dedi Rauf Parfi.

Gulbahor Said G‘ani (filolog) «…o‘sha paytlari sohir she'riyat sohibi Rauf Parfi ham bir muddat shu jurnalda ishlab turgan edilar. Umr yo‘ldoshim Habibullo Said G‘ani bilan Toshkent safariga otlandik. Poytaxtga borgach, har safargidek, do‘stu qadrdonlarni ham ziyorat qildik. Tabiiyki, Rauf akani ko‘rib ketish uchun “Jahon adabiyoti” ga bosh suqdik…».

Qutfiddin Muhiddinov: (sport jurnalisti) Shahrimizdagi kitob do‘konida yaqinda Rauf Parfi kitobi sotuvga chiqdi. Bir do‘stim menga ham olib qo‘ying, degan edi. Kirsam, kitoblari tugab qolibdi. Kitobi sotilgani yaxshi, lekin meni bir savol qiynaydi, kitobdan kim daromad ko‘ryapti? Shu foydadan Rauf Parfi muzeyi tashkil qilsa bo‘lmasmikin?

Rahmat Bobojon: (shoir) So‘zidan o‘zini izlagan g‘arib,  O‘zidan so‘zini izlagan g‘arib, Bilsam aytar edim, yo‘q netay sharhi- Rauf Parfi…

Eltuz.com

Tag‘in o‘qing
4 fevral 2019
Tadbirkorlikni himoya qilish shiorini ko‘tarib olgan amaldorlar aslida ishbilarmonlarning sa'y-harakatlariga eng katta to‘siq bo‘lib qolayotir. Xorazmda o‘zi xon, ko‘lankasi ...
29 aprel 2021
Feminizm deya og‘izlaringning ikki chetida tupuk yaltirab tirjayasizlar, o‘zlaringcha iyaklaringni ko‘tarib kinoya qilasizlar, go‘yo bizning jamiyatda qiz-ayollar tamom erkindek. ...
16 aprel 2018
Prezident Mirziyoev 13 aprel kuni Sirdaryoda o‘tkazgan yig‘ilishida atrofidagi laganbardorlik, ko‘zbo‘yamachiliklar joniga tekkanini bildirib, «yuragida juda katta armon-azob bor»ligini ...
20 aprel 2020
Deputat otasiga ishonib yoki orqamda  «okaxon»larim bor deb karantin tartiblarini  buzayotganlarni umuman ayab o‘tirmaslik kerak. «Samosud» demoqchi emasman, bu ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...