Catira
4 aprel 2018

O‘pishganlarni poylagan TV jurnalistlariga dakki berildi

3 aprel kuni O‘zbekiston Adliya vazirligi «Mening yurtim» telekanalini xalqaro va mahalliy qonunchilik me'yorlarini buzganligi haqida rasmiy ogohlantirdi.

Telekanalga dakki berilishiga 1 aprel kuni efirga uzatilgan, yoshlarning istirohat bog‘larida qo‘l ushlashib yurgani, o‘pishgani qoralangan «Yashirin kamera» ko‘rsatuvi sabab bo‘ldi.

O‘zbek jurnalistlarining o‘zini tutishi mashhur «Fleyta uchun unutilgan kuy» filmi qahramonlari harakatiga mengzaydi.

Ko‘rsatuvda odamlarning shaxsiy hayotiga daxl qilingani haqida «Eltuz» nashri 2 aprel kuni xabar bergan edi.

Adliya vazirligi boshqarmasining ijtimoiy tarmoq orqali «Eltuz» nashriga yetib kelgan xatida, jumladan, ko‘rsatuvda Inson huquqlari umumjahon deklaratsiyasining 12-moddasi buzilgani qayd etiladi.

Ushbu norma, vazirlikka ko‘ra, respublika milliy qonunchiligiga to‘liq implementatsiya qilingan.

Shuningdek, maktubda Konstitutsiya bandlariga ko‘ra, «har kimning erkinlik va shaxsiy daxlsizligi, shaxsiy hayotiga aralashishdan himoyalanish huquqi kafolatlangani” ta'kidlanadi.

Telekanal rahbariyatiga “Axborot erkinligi printsiplari va kafolatlari to‘g‘risida”gi qonun moddalariga asosan, «jismoniy shaxslarning roziligisiz ularning shaxsiy hayotiga taalluqli axborotdan foydalanilishi»ga yo‘l qo‘yilmasligi eslatiladi.

“Jurnalistik faoliyatni himoya qilish to‘g‘risida”gi qonun moddalariga ko‘ra, «shaxsning huquq va erkinliklarini hurmat qilish shart”ligi uqtiriladi.

Nodavlat radiotelekanallar xartiyasi va O‘zbekiston Elektron ommaviy axborot vositalari milliy assotsiatsiyasi axloq kodeksidan iqtibos keltirib, vazirlik «teleradioko‘rsatuvlarni ommaga uzatishda ruxsat etilgan chegarani va kasbiy etikani e'tiborga olishi» kerakligini jurnalistlarga eslatadi.

2 aprel kuni «Eltuz» nashri chop etgan maqolada «Yashirin kamera» ko‘rsatuvi boshlovchisining yoshlarga nisbatan harakati yuzasidan ijtimoiy tarmoq yuzerlari fikrlari yoritilgandi.

Ko‘rsatuvda uning boshlovchisi 22 yashar Badriddin Husniddinov yoshlar oldiga kamera bilan qo‘qqisdan borib so‘roqqa tutadi.

Toshkentlik bloger Xurshid Yo‘ldoshev va ijtimoiy tarmoqlarning boshqa yuzerlari «Eltuz» nashriga bergan izohlarida bu holatni shaxsiy hayotga aralashish deya baholashgan edi.

Eltuz.com

Tag‘in o‘qing
17 yanvar 2018
O‘tgan yili turli darajadagi hokimlarning zo‘ravonligi, so‘kong‘ichlari, qo‘l ostidagilarga bo‘lgan qo‘pol muomalasiga oid xabarlar, ijtimoiy tarmoqlardagi bu haqdagi fikr-mulohazalar ...
18 may 2020
Rossiya Tashqi ishlar vazirligi mulozimasi Mariya Zaxarova «rasmiy idoralarda o‘zbek tilining majburiy qilinishini kamchilik yoqlayotgani»ni yozg‘irgani ortidan tarmoqdagi mo‘'tadil ...
17 avgust 2022
Salom qadrli tomoshabinlar, Eltuz portalining bugungi soni odatdagi formatda. Ya'ni undan navbatdagi beshta shikoyat o‘rin olgan. Shikoyatlar mazmuni yangi ...
25 mart 2021
(Muhammad Solih audiokitobining davomi) Agar haykaltarosh uzoqni ko‘ra oladigan san'atkor bo‘lsa, u yaratgan haykallar ham uzoq-uzoqlarga qarab turadi. Bordiyu ...
Bloglar
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...
25 oktyabr 2022
Ulug‘ o‘zbek shoiri va muholifat lideri Muhammad Solih bilan suhbatning 10-qismida muxbir undan o‘z ota-bobolari ...