Asosiy mavzular
20 iyul 2022

Toshkentda sudyaning oylik daromadi qancha?

Kecha hayotida ko‘pni ko‘rgan, Karimov qatag‘onlaridan tirik chiqqan, O‘zbekiston siyosiy va iqtisodiy elitasini ich-ichidan biladigan shaxs  – sobiq sudyalardan biri bilan gaplashdim.

Rassom Tuz ochiq, dildan gaplashadi va o‘z manbasini oshkor etmaydi.

Mavzu, tabiiyki, Prezident apparatidagi so‘nggi kadr o‘zgarishidan tortib, O‘zbekistonni chirmovuqday o‘rab olgan korruptsiyagacha edi.

Sobiq sudya bergan ma'lumot meni shok holatiga tushirdi va bu haqda yozmasam bo‘lmaydi degan xulosaga keldim.
Jurnalist bilgani va aniqlaganini yozishi kerak – bu jurnalistikada oltin qoida.

Sobiq sudyaning iddao qilishicha, qaysi daromadli sohani olmang, quyi zvenoda boshlangan korruptsiya zanjiri prezident apparatiga borib taqaladi.

U bunga misolni o‘z sohasi – sud tizimidan keltirdi.

Sudyaning so‘zlariga ko‘ra, Toshkentda 11 ta tuman bo‘lsa, har bir tuman sudi shahar sudiga oyiga yarim million dollardan “uzatar” ekan.

Men tabiiyki, bunday bo‘lishi imkonsiz, buncha pulni bir sudya oyiga qaerdan topadi, deya e'tiroz bildirdim.
Sudya xomcho‘tga o‘tdi: O‘rtacha bir tumanda oyiga 300 ta ish ko‘riladi, deb tasavvur qiling. Bu ishlardan, deylik, 100 tasida sudya jazoni maksimum beradi. Chunki, ro‘zg‘orni zo‘rg‘a tebaratadigan velosiped o‘g‘rsining ota-onasida sudyaga beradigan hech vaqosi yo‘q.

Qolgan ellikta sudlanuvchi, aytaylik, 2-3 mingdan beradi va shartli jazo yoki jarima bilan qutuladi.
Og‘irroq jazo sodir qilgan 50 ta sudlanuvchi 10 minggacha uzatib, qamoqdan omon qoladi.

Yanada og‘irroq jinoyat sodir qilgan keyingi kategoriyadagi elliktalik esa sudyaga 50 ming dollargacha uzatib, suvdan qup quruq yoki yarim quruq chiqib ketadi.

Undan yuqori ketegoriyadagi sudlanuvchilar stavkasi 50 mingdan boshlanib, deylik, 100 ming bilan tugaydi.
Shunday ekan, tuman sudyasiga yarim million dollarni topish va shahar sudyasiga uzatish – semichka chaqishday yumush.

O‘z navbatida shahar sudi oliy sudga uzatadi. Stavka ko‘proq, lekin daromad ham shunga yarasha.

Oliy sud esa zanjirning so‘nggi uchi – Prezident apparatidagi okaxoniga oylik «dolya»sini har oy yetkazib turadi.

Okaxon ko‘pni ko‘rgan tullak, – deydi suhbatdoshim. – Uni siljitish yangi rahbarga oson bo‘lmaydi.

U gapiga prezident so‘zidan iqtibos keltirish bilan nuqta qo‘ydi.

Toshkent va viloyatda har bir sudya o‘ziga do‘kon ochib olgan, degandi prezident Mirziyoev Toshkent shahri va viloyatida sud tizimida ildiz otgan korruptsiya haqida gapirarkan.

Xullas, Shavkat Mirziyoevning inson qadri tamoilini sudyalar soqqa tamoiliga aylantirmoqda.

Rassom Tuz

Tag‘in o‘qing
21 fevral 2022
O‘zbekiston Milliy xavfsizlik xizmati Jumasafar Dadaboevni boshqa davlatlarda ishlash uchun josuslikka yollashga uringan Qoraqalpog‘istondagi turkman qishlog‘ida tug‘ilgan faol va ...
12 mart 2018
Prezident Shavkat Mirziyoevning Tojikistonga tashrifi ortidan ikki davlat o‘rtasidagi yopiq chegaralar ochildi va ikki mamlakat vatandoshlari uchun 30 kunlik ...
21 sentyabr 2020
O‘zbekistonda paxta yig‘im-terimi mavsumi boshlandi. Shu sababli har yili bo‘lganidek, joriy yilda ham aholi orasida ushbu mavzu dolzarb bo‘lishi tabiiy. ...
18 yanvar 2019
Turk yozuvchisi Aziz Nesin va rus yozuvchisi Anton Chexovga taqlidan va bo‘lgan voqeaga asoslanib yozilgan «hikoya» Bu hikoya yana ...
Bloglar
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...
25 oktyabr 2022
Ulug‘ o‘zbek shoiri va muholifat lideri Muhammad Solih bilan suhbatning 10-qismida muxbir undan o‘z ota-bobolari ...