Мултимедиа
2 ноябр 2015

Диктатор билан ўпишманг!

Улуғбек Ашур
Eltuz.com

АҚШ давлат котиби Жон Керри ва Ислом Каримовга «ноқулай» савол берган журналистларнинг матбуот анжумани ўтаётган залдан қувиб солингани, минтақада Сўз эркинлиги, ўзини «Дунё демократияси ва сўз эркинлигининг посбони» хисоблайдиган Америка учун хам керак эмаслиги кўрсатди.

Озодлик радиосининг айтишича, хориж мухбирлари президент Каримовга ҳам савол беришга уринган. Бироқ, Ўзбекистонда инсон ҳуқуқлари ҳақидаги танқидларига муносабатини сўрашганида, Каримов жавоб беришдан бош тортган.

Диктатор Каримовнинг матбуот эркинлиги душмани эканлиги маълум ва шунинг учун хам, унинг хар қандай саволга жавоб беришдан буйин товлаши, барча учун табиий кўринар эхтимол.

Аммо, юқори мартабали мехмон Жон Керрининг, журналистлар қувиб чиқарилишига индамай қараб туриши – бу жуда ачинарли ва айни пайтда фожеали холат. Кўхна Самарқандда, АҚШ Давлат котиби хузурида юз берган бу бу хунук воқеа, Америка Марказий Осиёдаги диктатор президентларнинг энг нодемократик ва зулмкор салохиятларига юксак бахо беришини билдиради.

Шу ўринда бир воқеани эсладим. Канада ўтган хафтада Бош вазирни сайлади.

Узоқ ва хаққоний давом этган сайловолди кампанияси ва сайловдан сўнг Либераллар партияси ғолиб келди ва партия етакчиси Жастин Трюдо Бош вазир этиб сайланди.

43 ёшли янги вазир ўз тарафдорлари билан журналистлар билан учрашар экан, ўша даврада Либераллар партияси учун ноқулай бўлган бир савол янгради. Шу захотиёқ, Жастин Трюдони қуршаб турган Либераллардан бири журналистнинг овозини ўчириш пайига тушди.

Бироқ, Бош вазир Жастин Трюдо, ортига ўгирилиб, журналистни оғзининг ёпмоқчи бўлган хаммаслагини овозини ўчирди.

«Жим! Бу мамлакатда биз журналистларни хурмат қиламиз! Улар ноқулай саволларни беришади, бу уларнинг иши. Окей?» деди Трюдо ортида турган одамларга қараб.

АҚШ Давлат котиби Марказий Осиёга албатта энг биринчи навбатда Америка манфаатларнинг химояси учун келган.

ИШИД вахимаси ва бунинг ортидан минтақада ўсиб бораётган Россия ва Хитойнинг таъсири, Оқ уйдаги «Сўз эркинлиги ва демократия посбонлари»ни тезкор харакатларга ундаяпти.

Шунинг учун хам ўз харакатларининг самара бериши учун Оқ уй дастёрлари минтақадаги махаллий президентлар билан оғиз бурун ўпишмоқда. Америка сиёсатчилари, бу каби «ногигиеник муолажа» туфайли ўзларига диктаторлар онгида уя қурган антидемократия вирусини юқтиришмаса бўлди…

Тағин ўқинг
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. Буларнинг баъзисини ўқиб кулгингиз ...
19 июл 2016
Россия империяси олиб борган ишғолчи урушлар натижасида Марказий Осиëдаги хонликларга оид улкан тупроқлар, ўша ерларда яшаган “туземец”лар билан бирга ...
4 декабр 2018
Қорақалпоғистоннинг Тўрткўл туманидаги сил касалликларига мойил болалар мактаб-интернати тарбиячиси Зулфия Мавлонова интернат директори Нурилла Рўзимовнинг тарбияланувчиларга нисбатан ноинсоний муносабатда ...
26 ноябр 2021
Драматург Григорий Горин 1972 йилда ëзган «Номинг ўчсин, Герострат» («Забыть Герострата») асарини 1975 йилда Тошкент театр ва рассомлик институти ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...